حبي تراب رجله.. ياسمين عز تنصح السيدات في عيد الحب

وجهت الإعلامية ياسمين عز خلال برنامجها كلام الناس على شاشة إم بي سي مصر، العديد من النصائح للسيدات بمناسبة عيد الحب، مؤكدة أنه يجب الاحتفال بالرجل، تقديرًا لمجهوده طوال العام.

نصائح ياسمين عز

وقالت ياسمين عز: عيد الحب للراجل، تقديرًا لمجهود طول السنة، وأنا هسميه عيد حب الراجل، وبلاش تنكدي على جوزك عشان متبقيش ملعونة، وحبي تراب رجله وقوليله حاضر 365 يوم، وبوسي راس جوزك ومتنتظريش هدية؛ لأن فرعونك الجائزة الكبرى.

ياسمين عز: الراجل عنده قلبين

وواصلت عز: الراجل عنده قلبين واحد في صدره والتاني في رجله الخلفية ومتراجعيش ورايا ولو عايزة تتأكدي أسألي دكاترة القلب، يعني حفنة التراب اللي بيمشي عليها دي هدية من قلبه ورجله، والراجل عيونه هي الفيونكة وراسة الهدية.

ياسمين عز: سيبي مسافة بينك وبين جوزك

وأضافت ياسمين عز: سيبي مسافة بينك وبين جوزك عشان متدوسيش على ضله، لأن علميًا ممكن يتوجع ويتأثر نفسيًا، وبصيله بـ نظرة المثلث المقلوب من تحت لفوق بـ رقة ودلال ودي عكس نظرة المثلث العادي اللي بنعملها لما بنتضايق من شخص، والراجل هو تاج راسنا ومنبع العسل والسكر وتراب رجله بالدنيا، وتعبان وشقيان طول السنة وبيجيب هدايا دون مناسبة.

نصائح ياسمين عز عن هدايا عيد الحب

واختتمت ياسمين عز بتوجيه نصيحة للرجال بشأن هدايا عيد الحب، قائلة: يا فرعون يا تاج الراس يا فرحة حزننا ونعمة ربنا، فرعونا مفيش منه، وحفنة من تراب الراجل بالدنيا، جيب لمراتك حفنة تراب من تحت رجلك في منديل حرير، ولو تعرف قيمتك هتعرف قيمة التراب اللي ماشي عليه، لو هي جعفر هترمي الهدية ودا اختبار وسقطت فيه.