رأي الإعلامية دعاء فاروق في مسلسل "أزمة منتصف العمر"
عبرت الإعلامية دعاء فاروق، عن رأيها في مسلسل “أزمة منتصف العمر” عبر حسابها الشخصي علي موقع التواصل الإجتماعي.
وعلقت دعاء، “طيب يا جماعة حد مستني النهاية في سواد منتصف النيلة المستنقع اللي بنتابعه، أنا بالنسبة لي وبالاصالة عن نفسي كده جاب الناهية خلاص، فاضل تلات حلقات أو حتى عشرة دي كلها شكليات، المسلسل خلص والستائر السوداء نزلت موتتوا بصيص الفرحة الوحيد وقتلتوا سرسوب أي أمل كنا مستنينها يظهر”.
تابعت “ حد يفكرني كده هو كريم فهمي كان زعلان إن الناس متضايقة من الأحداث الكحلي اللي بتحصل وبيقول علينا لمؤاخدة لجان، ألا هو أنت يا كريم كنت عاوزنا نتابع المسلسل ونفرح؟؟؟ هل كنت مستني الناس تتبسط بالأحداث مثلا ؟؟؟ لا بص يا كريم غالبا حصل عندك لبس في الموضوع انت المفروض تتبسط إننا بنتابع وتفرح اننا بنتفرج وكفى وده قمة النجاح اللي يلزم أبطال العمل إن المسلسل متشاف وشكرا تمثيلكم كلكم رائع وشكرا”
و أرفدت “ ومحدش قال إنكم مش بتمثلوا هايل كلكم بتلعبوا في الأهلي يا سيدي، وبعد الحلقة الاتناشر اللي بليتونا بيها انت وريهام ورنا رئيس ورشدي المهدي وعمر السعيد تقدروا تحترفوا في ليفربوول بجدارة، إنما مفهمتش هل انت كنت عاوز الناس تشكر في الأفعال غير المبررة اللي بتعملها الشخصيات الحزينة دى ؟؟؟ منين جبتوا الثقة دي مفهمتش حتى لو موجودة في الدنيا حد قالك إن احنا بنسقف لهم ؟؟!!!”
مضيفة “ حد اتبسط مثلا لما البنت بتاعت بورسعيد قتلت أمها بالاشتراك مع صاحبها ؟!!! حد كان فرح لما الواد قتل نيرة أشرف ؟؟؟ ماحنا عارفين والله العظيم إن المجتمع فيه أمراض نفسية وأفعال كتير غير مبررة والدراما ممكن تنقل ده بس لما نتفرج علي الأفعال المريضة اللي وراها أمراض نفسية متلتلة لازم الناس تستنكر وتضايق وتكتب وترفض وتشجب وتنتصر للأفعال السوية وللناس الأسوياء كريم اتضايق جدا إن بعض الناس قالوا إن فيه زنا محارم وهم لسه مشافوش المسلسل لآخره طيب احنا اسفين يا كريم طلع زنا بس المفروض الناس تسقف يعني للعلاقة غير السوية اللي بين فيروز وعمر ؟!!!!”
أبطال مسلسل “ أزمة منتصف العمر”
يشارك في بطولة مسلسل “ أزمة منتصف العمر” الفنان كريم فهمي والفنان ريهام عبد الغفور والفنانة رنا رئيس والفنان عمر السعيد و الفنان رشدي المهدي وغيرهم من الفنانين والفنانات.
