بسبب تصريحاتها المثيرة للجدل.. ياسمين عز تتصدر تريند "جوجل" بالسعودية

تصدرت الإعلامية ياسمين عز، مقدمة برنامج “ كلام الناس “ المذاع على شاشة mbc مصر، محرك البحث “جوجل” بالسعودية، بسبب تصريحاتها المثيرة للجدل، التي شرحت خلالها قواعد التعامل مع الزوج في المطعم. 

أبرز تصريحات الإعلامية ياسمين عز 

وجهت الإعلامية ياسمين عز مجموعة من النصائح للسيدات عبر برنامجها “كلام الناس” حيث طلبت منهم عدم التنفس أمام أزواجهن، مُعللة ذلك بضرورة تنظيم الحركة: “لو أنتي قاعدة جنب جوزك متتنفسيش وهو بيتنفس، عيب تتنفسي وجوزك بيتنفس في نفس الوقت، ننظم الحركة مع بعض، مبقولش تكتمي نفسك وتموتي مكتومة لا بعد الشر”. 

وأضافت: “أقصد وهو متعصب وصوت نفسه عالي من العصبية، متنفخيش أنتي كمان، ده هيزود شحنة الكهرباء والعصبية، سيبيه يهدى لوحده، ونظمي نفسك”.

وتابعت ياسمين عز: “حاجة كمان لو قاعدة جنبه بتتسامروا مينفعش تمشي وتروحي الحمام، وهو بيتكلم، لو مستعجلة قوليله بلطف، حبيبي هروح أعمل حاجة وجاية”.

تصريحات الإعلامية ياسمين عز “القواعد الثلاث للتعامل مع الزوج فى المطعم”

كما حددت الإعلامية ياسمين عز ثلاثة قواعد للتعامل مع الزوج في المطعم، ونصحت السيدات على الحرص عليها، حيث قالت: “لو قاعدين في مطعم وجوزك واخدك يأكلك ويشربك، مينفعش وهو قاعد جنبك تنسحبي من لسانك وتتجردي من شعورك وتتكلمي قبله مع الجرسون، لو حابة تطلبي حاجة وجهي كلامك لجوزك وقولي حبيبي فرعوني ممكن تتطلبلي مثلًا نص بطة بالبرتقال ومعاها عصير برتقال”.

وحذرت ياسمين عز الزوجات من امتداح كل ما يحمل صفة المذكر أمام الزوج، واختصت في ذلك عصير البرتقال، مضيفة: “لازم تبصي لجوزك وتقولي العصير حلو بس مش أحلى من جوزي”.

كما تحدثت ياسمين عز عن التصرف الصحيح في حال اكتشاف الزوج أنه نسي أمواله في المنزل قائلة: “لو جوزك أبو الكرم نسي سهوا محفظته أو فلوسه في البيت، إياكي تطلعي فلوس من شنطتك وتديهاله قدام الناس، دي حاجة مخجلة ومهينة للراجل”.

وتابعت: “علشان تحافظي على كرامة جوزك، تروحي مكان الدفع وتقولي أنا عاملة مفاجأة لجوزي وعازماه، أو تديله الفلوس من تحت المفرش، أو تسيبي شنطتك بشياكة على الكرسي جنبه، وتقولي بعد إذنك أنا رايحة الحمام ممكن تحاسب”.