"أي حد عايز يحقق حاجة لازم يتعب وكنت عاوز ممثل مشهور يبقى مكاني في بالطو".. أبرز تصريحات عصام عمر

حل الفنان عصام عمر، ضيف على برنامج " معكم" مع الإعلامية منى الشاذلي، بعد نجاحه في مسلسل " بالطو" الذي تصدر  التريند عبر مواقع التواصل الاجتماعي منذ أولى عرض حلقاته على منصة شاهد الإلكترونية. 

قصة كفاح عصام عمر قبل البطولة 

كشف الفنان عصام عمر، قصة كفاحه قبل بطولة مسلسل "بالطو"، حيث أكد أنه هاجر إلى أمريكا، وعانى كثيرًا في مشواره، قائلا: "أي حد عايز يحقق حاجة لازم يتعب، فأنا تعبت عشان أوصل للحاجة اللي أنا عايزها".

وتابع: "اشتغلت وعملت كاستينج هنا، وبدأت أعمل إعلانات ثم توقفت عشان مبقاش محصور في مجال الإعلانات فقط، وقتها مكنش معايا فلوس، وقعدت فترة مش عارف أعيش كويس وأنا مبقدمش إعلانات لكن كنت بحاول أأهل نفسي عشان أكون ممثل كويس".

وأردف: "سافرت أمريكا مع الفرقة المسرحية اللي كنت شغال معاها وفي عامي 2016، 2017، قدمت على فيزا لأمريكا بالصدفة وحصلت عليها ومكنش معايا فلوس تذكرة أمريكا".

واستطرد: "ولظروفي الملخبطة في القاهرة، صديق لي دفع تذكرة أمريكا، وقعدت عند صديق لي في أمريكا، وملقتش شغل هناك، فكانت فترة صعبة خصوصًا أنني كنت في رمضان وكنت عايز أسدد ديوني، ومكنتش عايز أرجع القاهرة تاني لكن قلت لنفسي لو محققتش نفسي في مصر، مش هعرف أحقق نفسي في أمريكا، ورجعت مصر، وبدأت أحاول أدخل المجال الفني مرة أخرى".

عصام عمر يحكى تفاصيل مسلسل بالطو قبل التصوير 

وأوضح عصام عمر أنه رفض دور البطولة في مسلسل "بالطو"، عندما عُرض عليه لأول مرة، وأخبر المخرج أنه من الأفضل اختيار ممثل أكثر موهبة وشهرة منه، حتى يضيف نجاحًا حقيقيًا للعمل.

وأشار أن المخرج عمر المهندس تمسّك به، ورفض إسناد دور البطولة لأي ممثل آخر، قائلا: "في البداية مكنتش حابب إن أنا أعمل المسلسل، مكنتش حابب ابقي بطل ولا اعمل ده دلوقت خالص، مكنتش مقتنع وحاسس إن ممكن نجيب ممثل تاني أفضل ومشهور أكتر، فهينفعهم".

تابع: "عمر صاحبي من زمان وأخويا فمكنتش عاوز في أول تجربة ليه ألبسه في حيطة.. كنت عاوز ممثل جامد مشهور يبقى مكاني بحيث عمر تجربته تنجح.. لكن عمر قالي مش هعمله غير بيك.. وقد كان".

واختتم عصام عمر تعليقه قائلاً: “الموضوع مش إني أكون بطل وخلاص.. الموضوع هل هقدر أقدم حاجة تستاهل ولا هتقدم لهم كبطل وهتبقى الناس بتضيع وقتها علي حاجة مش محترماها.. كان نفسي أبقي بعمل حاجة حلوة بس”.

وتابع عصام عمر: "عمر المهندس قالي مش هعمل مسلسل بالطو غير بيك، كنت بخلص الجامعة وإحنا بندرس مسرح، علشان نتفرج على أستاذة عارفة عبد الرسول، ومن قبل تانية جامعة كنت بروح القاهرة أعمل كاستينج وارجع الإسكندرية، خلصت جامعة واستقريت في القاهرة، أحاول أعمل حاجة، واتعلمت حاجات كتير في الفترة دي، وكونت شخصيتي، وكان نفسي أكون بعمل حاجة حلوة بس".