أنوشكا: 'ممكن نعمل قصة حياة مجدي يعقوب.. قصة حياتي فيها إيه عشان أقدمها'؟

كشفت الفنانة أنوشكا، في تصريحات صحفية عن إمكانية تقديم سيرتها الذاتية في عمل فني، مؤكدة أنه يجب تقديم سيرة أشخاص خدموا الإنسانية مثل الدكتور مجدي يعقوب.

أنوشكا: ممكن نعمل قصة حياة مجدي يعقوب

وقالت أنوشكا: ممكن نعمل قصة حياة مجدي يعقوب وناس بيخدموا الإنسانية، إنما قصة حياتي فيها إيه عشان أقدمها؟ ولكن ممكن نعمل قصة حياة صعود أو نجاح؛ لأن الناس بتقلدنا في حاجات وقصة حياتي مكنتش كلها نجاحات ورا بعض وفيه إخفاقات وتعب سنين.

وواصلت أنوشكا: أنا اتعلمت من الكبار وشوفت إزاي بيتعاملوا وياريتهم كانوا عايشين عشان ناخد بـ رأيهم، ومنهم سناء جميل اللي لسه بتوحشني القاعدة معاها، وأحنا لازم نهتم بالتعليقات والانتقادات عشان نصلح من نفسنا.

أنوشكا تكشف عن رأيها في المهرجانات الشعبية

وسبق وكشفت أنوشكا عن رأيها في المهرجانات الشعبية، قائلة: أنا من أنصار الحرية وفي النهاية كل فنان بيقدم اللي شايفه مناسب لنفسه وبيئته، ومنقدرش نغفل المهرجانات الشعبية ولكن الأفضل أننا نمنح الفرصة لكل أنواع الغناء والموسيقى، زي ما فيه مهرجانات فيه كلاسيكي وعندنا مطربين مصريين على الساحة العالمية في فن الغناء الأوبرالي في غاية الجمال.

آخر أعمال أنوشكا

ويذكر ان الفنانة أنوشكا قد قدمت العديد من الأعمال التي حققت نجاحا كبيرا، من بينهم مسلسل راجعين يا هوى، الذي عرض في السباق الرمضاني الماضي 2022، بالتعاون مع العديد من الفنانين، أبرزهم خالد النبوي ونور النبوي، ووفاء عامر، وهنا شيحة ونور اللبنانية، أحمد بدير، إسلام إبراهيم، طارق عبد العزيز، سلمى أبو ضيف، مصطفى درويش، اسلام جمال، شريف حافظ، اية سماحة، سلوى محمد على، تميم عبده، عمرو مهدى، نور النبوى، جلا هشام، وقصة الكاتب الراحل أسامة أنور عكاشة، ومعالجة وسيناريو وحوار محمد سليمان عبد المالك، وإخراج محمد سلامة وإنتاج شركة أروما للمنتج تامر مرتضى.