هبة السيسي: رانيا يوسف بتغير مني.. وأنا من أشهر ملكات جمال مصر

ردت الفنانة هبة السيسي، على إثارة الجدل مؤخرًا بسبب تعليق الفنانة رانيا يوسف، على حصولها على لقب ملكة جمال مصر، حيث حيث وصفتها رانيا يوسف بـ أحسن الوحشين على حد قولها.

وقالت هبة السيسي، في تصريحات خلال برنامج “نص الكلام”، الذي تقدمه الإعلامية راغدة شلهوب: "رانيا يوسف قالت إني فزت بـ لقب ملكة جمال مصر لأني أحسن الوحشين، وأنا استغربت جدًا رأيها ومفهمتهوش.. أنا كده كده من أشهر ملكات الجمال اللي اتربعوا على عرش ملكة الجمال وأحسنهم بشهادة الجميع.

هبة السيسي: قابلت رانيا يوسف من قريب والقلوب بتتصالح

وقالت: "قابلت رانيا يوسف من قريب واتصورنا مع بعض والقلوب بتتصالح، وأنا اعتبرتها غيرانة مني لأني ملكة جمال مصر وقالت أنا بعمل إيه هنا".

هبة السيسي تعلق على أزمة فستانها في مهرجان القاهرة السينمائي

كما علقت هبة السيسي، خلال تصريحاتها عن أزمة فستانها في مهرجان القاهرة السينمائي، قائلة: أنا نمت وصحيت لقيت كل القنوات بتكلمني والصحافة عن فستاني في مهرجان القاهرة السينمائي، الأول استغربت الموضوع ومكنتش اتفرجت على صوري على الريد كاربت، وبعد ما شوفتهم فهمت ليه حصل ضجة على الفستان.

وأضافت: "أنا مش بحب التريند ومش بحب أبقى محط الأنظار، ولو بقيت تريند محبش أتحط في موقف يسيء ليا".

هبه السيسي: الناس صدقوني لما اعتذرت علشان دي الحقيقة

وتابعت: "لفت الإنتباه حلو ولكن مش بالشكل ده وإن الناس تقول إني حطمت الدريس كود، لأ ده مكنش مقصود أصلًا إني أبقى تريند، والناس صدقوني لما اعتذرت علشان دي الحقيقة".