حلمي عبد الباقي يكشف أسباب رفض دخول ابنته عالم الغناء
تحدث المطرب الكبير حلمي عبدالباقي، عن علاقته ببناته الأربعة، كاشفًا سبب عدم دخول ابنته الكبرى للغناء رغم امتلاكها الموهبة.
وقال حلمي عبدالباقي، ببرنامج سبوت لايت المذاع على قناة صدى البلد وتقديم شيرين سليمان: عندي 4 بنات وعايش مدلع خالص ويا بخت اللي عنده بنات وكلهم متعلقين بيا أوي.
وتابع حلمي عبدالباقي، أن أسماء بناته هي دينا وماهيتاب وساندي وباكينام، موضحا: "أمي الله يرحمها كانت بتقولي يا ابني أنت مسميلنا أسامي هندي ومكنتش تعرف تقول باكينام.
حلمي عبد الباقي يكشف اسباب رفضه دخول ابنته عالم الغناء:
وأوضح حلمي ببرنامج سبوت لايت، أن ابنته دينا الكبيرة تحفظ جميع أغانيه أكثر منه، لافتا إلى أنها لم تدخل مجال الغناء لأن الموضوع كان صعب عليه لأنه فلاح، ولا يتمنى لهم أن يمروا برحلة التعب التي عانى منها في مشواره.
وأضاف: الاخلاقيات دلوقتي مبقتش زي زمان، وأنا الحمد لله البنات واخدين بالهم مني كويس جدًا وزوجتي حاجة عظيمة جدًا.
حلمي عبد الباقي يكشف تفاصيل ذكرياته مع الغناء:
تحدث المطرب الكبير حلمي عبدالباقي، عن ذكرياته مع الغناء وبداية مشواره الفني وموقف تعرض له في حياته.
وقال حلمي عبدالباقي، ببرنامج سبوت لايت المذاع على قناة صدى البلد وتقديم شيرين سليمان: جيلنا كان محظوظ، ولكن مش محظوظ إعلاميا والمتلقي كان مختلف عن دلوقتي ولما كنا بنعمل أغنية كنا نتوقع إنه ا رايحة في حتة تانية لان المتلقي سميع للأغاني.
حلمي عبد الباقي يكشف بداياته:
وتابع حلمي: أنا اللي اكتشفت نفسي ومحدش اكتشفني وأنا من الزقازيق، وكان فيه افراح عندنا وصاحب الفرح كان صحابي بيخلوني أغني
واستكمل عبدالباقي ببرنامج سبوت لايت: لما جه العيد القومي لمحافظة الشرقية خلوني أغني في الحفلة دي، ومن ساعتنا اكتشفت اني بغني كويس.
وأضاف حلمي: على مدار حياتي في مواقف كتير لما بفتكرها بضحك، وكنت في كورال الجامعة بغني صولو ومكنتش أعرف يعني إيه موال ومقام، واتعلمت كل ده بالممارسة، ومرة كنت طالع في حفلة تبع الجامعة وكنت بغني للأستاذ محمد العزبي،وكنت مبسوط جدًا وقتها ولما خلصت قولت للاستاذ قطب إيه رأيك؟ فقالي إيه القرف ده عمال تدخل من مقام وتدخل مقام تاني، وكانت نقلة في حياتي وكنت لازم اتعلم واثقف نفسي وبقيت أعرف من الموسيقييين كل حاجة محتاج أعرفها في المزيكا".
