غادة إبراهيم: الممثلة الضعيفة بتعتمد على جسمها.. وممكن أعمل إغراء وأنا محتشمة

كشفت الفنانة غادة إبراهيم،  عن رأيها إزاء أهمية تقديم قضايا المجتمع في الأعمال الفنية.

غادة إبراهيم: زنا المحارم موجود من زمان

وأضافت في تصريحات صحفية: "على سبيل المثال (زنا المحارم) موجود من زمان، ليه عايزين ندفن راسنا في الرمل، ولازم نقدم القضايا دي في الفن عشان نحط جزاء ويكونوا عبرة، وهنا نوصل الرسالة مظبوطة في العمل الفني، إنما مش بنروج للخطأ".

غادة إبراهيم:الممثل الضعيف هو اللي بيعتمد على الملابس والجسم

وأكدت: “الممثل الضعيف هو اللي بيعتمد على الملابس والجسم إنما أنا أدواتي عيني وصوتي مش جسمي وممكن أعمل إغراء دون ابتذال وأنا محتشمة”.

غادة إبراهيم:ممكن أعمل إغراء بالإيحاء

وأوضحت:" عندنا فيلم (عمارة يعقوبيان) اللي كان فيلم عالمي وخالد الصاوي عمل الدور بطريقة هايلة، وأنا عملت دور جريء واحد بس في حياتي، ومع ذلك بيقولوا عليا ممثلة إغراء؟ فين الإغراء دا؟ وفيه أدوار مقدرش أقدمها دلوقتي زي القبلات أو ألبس مايوه إنما ممكن ألبس مايوه وعليه كاش مايوه؛ لأن الولاد في عيلتي كبروا وبنتي كبرت، وممكن أقدم موضوعات مهمة زي المثليين جنسيا وزنا المحارم وممكن أعمل إغراء وأنا لابسة مقفول بالإيحاء".

طقوس غادة إبراهيم في شهر رمضان

واختتمت: "أحرص دائمًا على توزيع الطعام على المحتاجين  ولم تقطع تلك العادة رغم أي ظروف، كما أنها تستمتع إلى الشيخ الشعراوي ولا تقطع أي صلاة أو صوم".