أنغام: "حفظت قصيدة أشواق لـ رياض السنباطي وأنا عندي 5 سنين"

حرص الإعلامي عمرو أديب وفريق عمل برنامج "الحكاية" الذي يذاع على فضائية "إم بي سي مصر" أن يحضروا كواليس وتحضيرات وتسجيلات حفل "صوت مصر" الذي أقيم أمس في المملكة العربية السعودية بحضور نجوم الفن  وأجرى أديب لقاءً خاصًا من نوعه مع الفنانة أنغام التي تألقت خلال الحفل بشكل كبير وقامت بغناء أبرز أغنياتها المشهورة مثل لسه ناوي على الرحيل، في الركن البعيد الهادي، شنطة سفر، وسط تفاعل كبير من الحضور. 

أنغام تتحدث عن بدايتها وحبها للأغاني الخليجية

وتحدثت أنغام عن حبها للأغاني الخليجية وقالت: "حفظت وأنا عندي 5 سنين قصيدة اشواق لـ رياض السنباطي وكنت متيمة بمحمد عبد الوهاب وام كلثوم ووردة وفيروز وبدأت أدمج بين الشرقي والغربي وفي حاجة لفتت انتباهي ساعتها هي الموسيقي الخليجة وطريقه غناهم وابتديت ساعتها أسمع  أستاذ محمد عبده ولفتت نظري ايقاعتهم لان غناهم غيرنا والشعر بتاعهم كمان غيرنا وكنت صغيرة مش بفهم الكلام أوي بس كان عاجبني الموضوع"

وتابعت: "والصدفة البحتة أن مكنش في نساء كتير بتغني في الخليج وكانو نفسهم يسمعوا صوت نسائي في الكويت ولقيت سليمان الملا وبيقولي عايزين نعملك ألبوم وساعتها الحظ هو إلى جالي، أنا  كنت بسمع عبد الروشيد بـ نهم غير عادي وطول الوقت بغني معاهم وبحاول اقلدهم في اللهجة وحبيت الموضوع جدًا عشان كدة مش بخاف أغامر فيه"

أنغام تتحدث عن جمهورها

وتحدثت أنغام عن جمهورها وقالت: "ربنا كرمني بناس إلى بتسمعني بناس شبهي والناس إلى بيحضرولي بيكونو شبهي برضه ببقي في قمة شوقي ليهم وفي قمة التوتر عشان ببقي نفسي اخليهم يخرجوا يشتاقوا ويجوا تاني وتالت ويحبو اللايف أكتر من المسجل"

وعبرت عن حبها لجمهورها في الرياض قائلة: "انت ممكن تسمع كل حاجة في الرياض وكل حاجه ليها مكانها وجمهورها وتقديرها وكل مزيكا تعرف تسمعها هناك والجمهور ذواق وبيحب الناس ومستعد لكل الحفلات انت هناك بتروح لجمهور جاهز".

ووجهت رسالة للنجوم الشباب وقالت: "صدقوا نجاحهم ويثقوا في نفسهم ويشوفوا ايه الميزات إلى فيهم وينجحوا وبطريقتهم وميصدقوش النجاح بسرعة لان لسه بدري ولسه هيقابلو كتير ".

أنغام تتحدث عن إمكانية تكرارها لأغنية

وتحدثت أنغام عن إمكانية تكررها للأغاني وقالت: "أوحش حاجه أنك تفكر تكرر أغنية نجحت، ده سجن وانت كده قفلت على نفسك زنزنانه هي نجحت خلاص والي هيقلدها مش هينجح فلازم نكسر القالب وتكمل وتعمل حاجه مختلفة والي منجحش ميخوفش".

تفاصيل الحفل

وشهد الحفل تواجد عدد كبير من الشخصيات العامة أبرزهم الإعلامي عمرو أديب والفنان هيثم شاكر والفنان عزيز الشافعي وحماقي وويجز الذين حرصوا على حضور الحفل.

وفي سياق متصل، تحدثت أنغام عن مصر خلال الحفل وقالت: "لو مكنش فى مصر معهد كونسرفتوار ومعهد موسيقي ومعهد باليه ومعهد سينما وأكاديمية فنون.. يمكن مكنتتش ظهرت أصلا ولا كنا ظهرنا كلنا كفرقة موسيقية وكهندسة صوت وكل تجهيزات الحفلة اللي شايفنها النهاردة..عشان نبقي بالمستوى الفني العالي ده"

وتابعت: "عشان كده أنا محظوظة ببلدي مصر اللي قدمت لكم الفن ده النهاردة، واللي بفضلها عليا ظهرت ودعمتني من صغري من ايام الاذاعة المصرية والحفلات مصر هي ال قالتلي كوني كده بقيمة فنها".

آخر أعمال أنغام

آخر أعمال أنغام، أغنية نسينا نعيش التي طرحتها منذ فترة على هيئة فيديو كليب وحققت ملايين المشاهدات بعد صدورها بفترة قليلة

كلمات الأغنية: فضلنا نعيش عشان ننسى وفي الآخر نسينا نعيش
هنلقى في الغياب فرصة وفي الآخر لقينا مافيش
ما سابناش الفراق نرتاح ولا جاب اللي سابنا وراح
ما حدش فينا زي ما كان بيتمنى يعيش بيعيش
بنفتكر الكلام بالحرف بنشتاق في الغياب الضعف
وأدي الدنيا اللي بتنسي كمان طلعت ما بتنسيش
بنفتكر الكلام بالحرف (بالحرف) بنشتاق في الغياب الضعف
وأدي الدنيا اللي بتنسي كمان طلعت ما بتنسيش
ما بينا وبين زمان سكة بنمشيها وما بنمشيش
حياتنا واقفة على خطوة نخطيها وما بنخطيش
ننسى إيه ولا إيه ولا مين إحنا لعبة فايدين الحنين
بنتراهن على النسيان ونتحايل عليه ما يجيش
بنفتكر الكلام بالحرف بنشتاق في الغياب الضعف
وأدي الدنيا اللي بتنسي كمان طلعت ما بتنسيش
بنفتكر الكلام بالحرف (بالحرف) بنشتاق في الغياب الضعف
وأدي الدنيا اللي بتنسي كمان طلعت ما بتنسيش
وفي الآخر نسينا نعيش