بعد تعرضه لحادث سير.. أول ظهور لمطرب المهرجانات مسلم بعد اعلان فقدان صوته

شارك مطرب المهرجانات الشعبية مسلم، صورة له عبر ستوري حسابه الشخصي بموقع تبادل الصور والفيديوهات إنستجرام، بعد إعلانه تعرضه لحادث سير وفقدان صوته بسبب الحزن على حد تصريحاته، ظهر خلالها أثناء تلقيه العلاج بالمحاليل، وعلق قائلًا: الحمد لله.

مسلم يتعرض لحادث سير

سبق وتعرض مطرب المهرجانات الشعبية مسلم لحادث سير، حيث كتب عبر حسابه بموقع إنستجرام: لا إله إلا الله يا وجع قلبي على اللي أنا فيه، بجد كل يوم حاجة تعدي عليا وتكسرني.. وقوف النقابة من الشغل وقطع رزق وحد أذاني نفسيًا، وحادثة أعملها بـ العربية، واديني قايم من نومي مش قادر أتكلم ومش عارف أكلم حد، وده من إني نمت زعلان، حتى صوتي خسرته يا رب أنا مليش غيرك تقف جنبي.

أزمة مسلم والمنتج سلطان الشن

ومن ناحية أخري، سبق وكشف الدكتور محمد عبد الله المتحدث الرسمي باسم نقابة المهن الموسيقية، تفاصيل أزمة مسلم، والمنتج السعودي سلطان الشن، قائلا: والدة مسلم في الأول وقعت عقدًا مع هاني محروس، والعقد الأول ده كان صحيح لأن مسلم كان عليه واصي اللي هي والدته، وحصلت مشاكل بينهم.

واختتم: تدخل المنتج سلطان الشن وطلب هاني محروس بالتنازل عن العقد بكل الالتزامات كاملة لـ سلطان الشن، وأصبح العقد اللي بتستند إليه النقابة هو العقد اللي بين والدة مسلم وسلطان الشن... العقد اللي بيتكلم عنه المحامي حسام لطفي اللي تم توقيعه بين مسلم والمنتج سلطان الشن، مسلم وقتها مكنش بلغ الأهلية المدينة أي سن 21 سنة، وبناءً عليه العقد ده باطل من الناحية القانونية.

آخر أعمال الفنان مسلم

والجدير بالذكر آخر أعمال الفنان مسلم أغنية “ جوب” والتي طرحها منذ ٥ أشهر.

كلمات أغنية “ جوب ”

تنساني يومين وجيلك

أنا جوبك صاحبك وحبيبك

أنا بنطك وتملى في جيبك

وبصهلل المزاج

احكيلى يا صاحبي همومك

تحرقني بعدلك يومك

تلجألي هتحس بكونك وتكون عال العال

مفرحتش غير علي شفايفي

الانبساط على تبغي

أنا إللي ريحتي بتعلي

معايا تحس بتأني

معايا كل شئ مرضي

من غيري تحس ب خسارة

إحساس ب إن حاجة ناقصة

وتتخيلني ف سيجارة

وتتخيلني في سيجارة

أنساك وصعب تنساني