مايان السيد عن تعاونها مع يسرا في "1000 حمد الله ع السلامة": "نفسي ابقى زيها"
استضافت الاعلامية لميس الحديدي، طاقم مسلسل "1000 حمد الله ع السلامة" من لوكيشن التصوير في لايف مباشر عبر برنامج “كلمة أخيرة “ على قناة ”ON”.
وأكد الفنان محمد ثروت: “الشغل مع النجمة يسرا مهم جدا بالنسبة ليا، ووافقت على طول على المشاركة في المسلسل”.
وقالت الفنانة الشابة مايان السيد، إنها للمرة الثانية تجمعها الاعمال الدرامية مع الفنانة يسرا، في دور إبنتها وأن عملها مع يسرا منذ مسلسل “حرب أهلية” غير في شخصيتها جدا وأنها تعلمت منها الكثير.
وأضافت: “مش أول مرة أبقى بنت يسرا ومثلت معاها في (حرب أهلية) وده غيرلي حاجات كتيرة في حياتي وبتمنى يبقى وشها خير عليا تاني ونعمل حاجة تعجب الناس”.
وأكدت: “أنا بتعلم من يسرا حاجات كتير فهي شخص مخلص جدًا بتحب شغلها جدًا وبستغرب أنها مش بتتعب وتنزل تصور كل يوم وتقلي أنا بحب شغلي ده درس مهم ليا وأنا في أول في الطريق أني عايزة ابقى زيها وهي شخص كريم وبتقابل الناس بحب”.
وقالت الفنانة يسرا، في بداية اللقاء إن تقديمها مسلسل لايت كوميدي للعام التالي على التوالي يعود لرغبتها في تقديم هذه النوعية من الاعمال وأن الناس تحتاج للابتسامة.
وأضافت: “حاسة أني وكل الناس محتاجه للضحكة والفرحة والضحكة أصعب بكثير من الدراما ومش سهل تعدي وسط كوميديات كبار”.
وقالت: “أنا مش كومديانه لكن انا وسط ناس كوميديانات بيوظفوني”.
وأكدت: "مش بقلق أني اشتغل مع كاتب شاب ومخرج شاب لاني بحس أن عندهم طموح وعاوزين يقدموا حاجة جديدة وانا عايزة أغير دمي معاهم لانهم عندهم نظرة مختلفة ليا معاهم".
