حسن شاكوش عن حفل زفافه: "تامر حسني لبى طلبي وقالي وفر فلوسك الدنيا غليت"
ظهر الفنان حسن شاكوش من خلال برنامج العرافة، والتي تقدمه الإعلامية بسمة وهبة، حيث كشف العديد من الأسرار حول حفل زفافه، أبرزها كواليس دعوة الفنان تامر حسني لـ حفل زفافه، بجانب التعليق على تصريحاته الأخيرة بشأن النجوم الذين دعاهم لـ حفل زفافه ولم يلبوا الدعوة، مؤكدًا أنه لم يهاجمهم.
تامر حسني يلبي نداء حسن شاكوش
وتابع:"أنا كلمت تامر في التليفون في شغل وقولتله دا فرحي أنا وأنا عايزك في شغل وشوف هتعمل معايا إيه، قالي يا حبيب قلبي ألف مليون مبروك الدنيا غليت ووفر فلوسك، وجالي من غير مقابل هو وفرقته".
حسن شاكوش يكشف عن هذا الشئ
وأضاف:" أنا مهاجمتش اللي مجاش فرحي، أنا بحب الناس دي وكنت بتمنى يكونوا موجودين في فرحي، ممكن الناس تفهمني غلط وتفتكر إني بهدد ولكن دي طريقيتي، أنا مش بحضر أقول إيه قبل ما أطلع اتكلم وبحب أكون على طبيعتي".
حسن شاكوش يتمنى هذه الأمنية
وأكد: "كان نفسي أستاذ عمرو الليثي ييجي فرحي، وعمرو أديب والدكتورة بسمة وهبة ولكن أنا عذرتك لظروفك الصحية وقلبي معاكي".
حسن شاكوش يوجه رسالة لمن امتنع عن حضور زفافه
ومن جهة أخرى، سبق أن وجّه حسن شاكوش رسالة لمن امتنع عن حضور حفل زفافه، وذلك عبر حسابه الرسمي بموقع فيسبوك قائلًا:" أي حد ماجاش له عذره ما دام عندك شغل مش هعلق ليك حبل المشنقة إلا بقى لو حد فاضي ومجاش ده موضوع تاني".
وأوضح:" إحنا في مركب واحدة واللي ما تحتاجش قفاه دلوقتي هتحتاج وشه بعدين، واللي مجاش حطيته في القايمة السودة، وأنا ماكنش ناقص لي حد وكفاية إن ماجد المصري ييجي ويقف على المسرح ومصر كلها تشوفه وهو من أنضف الشخصيات اللي عرفتها في حياتي".
