تامر أمين: "جريت ورا حملات المحاربة في برنامجي بحثًا عن المشاهدات والتريند"

حل الإعلامي تامر أمين في ضيافة الإعلامية بسمة وهبة في برنامج "العرافة" المذاع عبر قناة النهار وتحدث تامر عن العديد من الأمور التي تخصه واعترف خلال اللقاء بـ سر: "عملت حملة في 2012 بسبب كليبات فاضحة وحاجات قذرة وعملتها وانا في روتانا مصرية ولقيت إنها عامله شغل عظيم في المشاهدات والتريندات وكملت فيها كسبًا للتريندات وكسبًا للمشاهدات مش محاربة للإسفاف ولغاية يوم معين لقيت راجل بيقولي ربنا يجعله في ميزان حسناتك انك بتحارب الرذيلة والعري وكل حاجه ومن يومها وانا اخلصت النية إني هعمل الحاجات دي عشان احارب الناس وارجع القيم واحذرهم عن البحث عن الغرائز والشهوات"
 

وفي سؤال ثاني رفض تامر الإجابة عنه ومن الواضح إنه كان سؤال يخص بيته وأولاده وعند طرح بسمة السؤال عليه من خلال ورقه  قام بتقطيع الورقة ورفض رفضًا قاطعًا أن يقرأ السؤال بصوت واضح وقال لها: "انتي ناقص تيجي تقعدي معانا في البيت عشان عايزة تعرفي إجابة السؤال ده انا رافض إني أجاوب عليه ومش هجاوب".

تامر أمين يتحدث عن أكل لحم الحمير
وأردف خلال اللقاء إننا في زمن السوشيال ميديا بأمتياز فقال: "قصة الحمير والخيول كاشفة لما يحدث في حياتنا فنحن في زمن السوشيال ميديا بامتياز، الآن نحن في زمن السوشيال ميديا هي اللي بتحرك وتخبر وصاحبة الحقيقة المطلقة، فأنا قلت ليه مبناكلش؟ مقولتش المصريين ياكلوا لحم حمير، فالقصة قائمة على جزار باكستاني قبض عليه لأنه يبيع لحم خيول، فإيه الغلط أني أفتح تحقيق وأعمل شغلي". 

وأضاف:"بعد المقطع ده بدقيقة جبت دكتور تغذية علاجية وقلت له هل لحم الخيول والحمير صالح للاستخدام الآدمي؟ قالي لا عمليًا مفيش مشكلة، وقلت لازم نسأل أهل الفقه والإفتاء، يقولوا لنا حلال أو حرام، كل الكلام كان في إطار التحقيق".

وتحدث عن إهانته للصعايدة وقال: "مكنش فيها تريند خالص.. دي كانت ذلة لسان، واعتذرت 3 مرات، والناس عرفت صدق النوايا لدي، المعنى في بضع الأحيان، قد يكون فيه إساءة، وعشان كدا، مكنش عندي مشكلة إني أقول لهم، حقكم وجزمتكم على رأسي، ومفيش مجنون يعادي أهله في الصعيد".