حمو بيكا: حسن شاكوش مش مشهور أكتر مني ومش بتاع شغل

حل مطرب المهرجان حمو بيكا ضيفًا في برنامج العرافة الذي تقدمه الإعلامية بسمة وهبة على شاشة قناة المحور، كشف بيكا عن العديد من المفاجآت بشأن حسن شاكوش وعن علاقته الفنية به وقال عدة تصريحات نارية.

حمو بيكا: قفلت لحسن شاكوش أغنية بنت الجيران وفتحتها بمزاجي

وكشف بيكا في تصريح ناري عن أنه من قفل أغنية بنت الجيران لـ حسن شاكوش، قائلًا: "أنا قفلت بنت الجيران لحسن شاكوش وفتحت الأغنية تاني ليه، حسن شاكوش جاب ناس عشان تتوسط كي أفتح له اغنية بنت الجيران ".

حمو بيكا: خدت فلوس من ناس عشان أعمل شغل مع حسن شاكوش وهو خلف بوعده

وتابع حسن شاكوش حديثه قائلًا:" لما حسن شاكوش عمل أغنية معايا في بداياته ونجحت قلتله هنعمل شغل كتير، وخدت فلوس  من ناس عشان نعمل شغل مع بعضنا لكن حسن شاكوش مجاش وخلف بوعده ".

بيكا: شاكوش مش بتاع شغل وأنا مشهور أكتر منه

وأضاف:" حسن شاكوش بيحب السهر ومش بيحب الشغل لكن أنا بتاع شغل بس، هو وقع فنيًا مؤخرًا ".

واختتم بيكا قائلًا: "حسن شاكوش مش مشهور أكتر مني ومش محبوب أكتر مني،أنا العالم كله يعرفني ".

آخر أعمال حمو بيكا

يذكر أن آخر أعمال مطرب المهرجانات حمو بيكا أغنية "كلك غرام"، والذي تم طرحها مؤخرًا عبر قناته الرسمية بموقع الفيديوهات الشهير يوتيوب، الأغنية بمشاركة حسن شاكوش ومن كلمات إسلام المصري توزيع إسلام صاصا.

كلمات الأغنية

دي جي ساسو
بنغيب والكل بيحتار في انتظار
نرجع والكل بينهار في انفجار
ع الساحة بنعمل هجوم ضرب نار
أصل احنا بتوع البوم بوم دوس غيار
ع الصح والصحيح بجد إخواتي غير أي حد
ولحد كم تعرف تعد يا ابني إحنا حيطة سد
الهوستا كوستا كله فل أنا جاي أردم ع الكل
ع الكل هرخم مش هحل أنا صعب ماليا حل
أنا جاي أقول لك كلام ع اللسان
بت إنت كلك غرام عود ريحان
شحرورة وصوتك خيال الجمال
من بصة راح قلبي مال أورجينال
آه يا حتة قشطة بالعسل شوفتك اللي حصل
لو رقمك بيّ يتصل بصحى وبنسى الكسل
آه يا فستقاية في قنبلة يا هريسة معسلة
في دماغي عملت البلبلة كده هنسى السنجلة
هتلر بجيوشه مصدناش قال بلاش
من ضربتنا الكل باش في انكماش
ولعنا الدنيا وما بنهداش قولنا عاش
رشاشنا بيضرب ما بيفضاش صرف كاش
أنا جيبت البيتش باجي وإنت عليّ بتتفرجي
شاب رومانسي ومش بلطجي وإنت ثقيلة وبتعصلجي
ولبست قميص كاروهات فاتحه مبين فيه العضلات
والأيفون بثلاث كاميرات وإنت براند الحلويات
الهوستا كوستا ولا إيه لون خدك نسكافيه
إنت مربى في ملفيه ده جمالك مش ناسيه
يا مجننة في كل الشباب وسطك عنده انسياب
هطلب طرب وكباب خالصة وعندي الحساب
أنا بيكا وبكبكتوكو، وأنا شاكوش اللي بهزكم
سالكين ليّ وبسلك لكم، عمري في يوم ما أبعد عنكم
يا اللي الغل في دمكم، هفضل قاعد على قلبكم
هيعيش اِسمي شاغل مخكم، وبتقلقوا لما أرجع لكم