عنبر: "زعلانة إني من غير شغل.. وعيب أروح أوديشن بعد ما اشتغلت مع الكبار"

حلت الفنانة عنبر ضيفة على برنامج “المنسي”، وذلك على قناة “هي” وتقدمه الإعلامية إنجي هشام، وتحدثت عنبر عن حزنها الشديد لعدم الاستعانة بها في الأعمال الفنية، وظهور مكاتب الكاستيج التي سببت لها مشاكل كثيرة.

وقالت عنبر، خلال لقائها مع الإعلامية انجي هشام في برنامج “المنسي”:  "نفسي ارجع اشتغل من تاني ولكن دلوقت المخرج اللي عنده ٢٧ سنة أو ٢٦ سنة ميعرفنيش وبعدين مكاتب الكاستيج بقت مشكلة كبيرة وإنه يطلب منك تدخلي ورشة في مكاتب الكاستيج أنا بعد العمر ده كله اروح أخد ورشة في مكتب،انا عملت ده مرة واحده في عمل بس ده علشان كانوا معمول لفريق العمل ككل.

تصريحات عنبر

وأضافت: “أنا عمري ما هعمل اوديشن ولو دي الشغلانة، هقعد في بيتي واحترم نفسي، عيب كل اللي الواحد عمله في حياته يحصل فيه كده، أنا اشتغلت مع نجوم كبار منهم أحمد مظهر وكنت طالعة بنته، اشتغلت مع محمد صبحي هي دي النجوم”.

كشفت الفنانة عنبر في تصريحات سابقة على قناة الحدث اليوم، عن طقوسها خلال شهر رمضان الكريم، لافتة إلى أنها تحب روح العبادة والالتزام وختام القرآن الكريم والصلاة، بالإضافة إلى إقامة العزومات بداية من الأسبوع الثاني، وأتابع مسلسلات وزملائي، فضلا عن مصالحة المتخاصمين وزيارة الأصدقاء والأهل. 

قالت الفنانة عنبر، إنها تؤمن بالسحر والدجل والشعوذة، لافتة إلى أنها تعرضت للإيذاء كثير بسبب الأعمال: "مضيت 3 أعمال فنية وميكملش بسبب السحر والعين لأن نجمي خفيف جدا، تعرض للإصابة بأمراض بسبب الحقد.

تابعت الفنانة عنبر، هناك نجوم كبار وقاعدين في البيت مش لاقيين شغل، مضيفة: الجيل الجديد من الفنانين من كثرة مشاركتهم في الأعمال مش مركزين في الأدوار عايز يقول الكلمتين عشان يروح المسلسل التاني في ممثلين بيشاركوا في 5 أعمال خلال رمضان وده غلط.

المنسي 

برنامج " المنسي" هو برنامج على قناة " هي" تقديم الإعلامية انجي هشام، ويذاع يوميا في تمام الساعة الثامنة مساءا ويستضيف عددا من نجوم الفن والإعلامين الذي غابت عنهم أضواء الشهرة والنجومية.