محمد رضوان لـ الفجر الفني: "لن أترك العبادة من أجل المسلسلات.. ورحمة أحمد تعمل مع كرو قوي"

بعد أداء مميز في الأعمال الرمضانية التي شارك بها خلال هذا السباق الرمضاني، والتي كان منها ما عرض خلال النص الأول من شهر رمضان والآخر يكمل الشهر كاملا، أنه الفنان الذي استطاع أن يؤثر في العمل ببصمته وروعة أدائه، هو الفنان محمد رضوان الذي تميز هذا الموسم الرمضاني بإبداع تجسيده الشخصيات بطريقة بسيطة تمكنت من أثر قلب المشاهد.

حاور "الفجر الفني" الفنان محمد رضوان حرصا منه على معرفة ماهو جديد وخلف كواليس العمل، وفي السطور التالية نرصد لكم تلك التصريحات.

محمد رضوان ومتابعته لمسلسلات رمضان هذه الفترة

كشف الفنان محمد رضوان في حديثه الخاص لـ الفجر الفني عن المسلسلات التي يتابعها طوال شهر رمضان فقال: "المتابعة في رمضان بتبقى صعبة جدا، الوقت بيبقى ضيق، في تفاصيل كتيرة في رمضان بتخليك مبتعرفش تتابع مسلسلات بشكل مستمر".

وأضاف رضوان قائلا: "بتابع وعود سخية وبابا المجال، والصفارة معرفتش أتابعه بشكل قوي، وده لأنهم بيبقوا موجودين على قناة واحدة".

محمد رضوان ورأيه في تلك الأزمة التي حدثت لرحمة أحمد

عبر الفنان محمد رضوان عن رأيه في أزمة الفنان رحمة أحمد في مسلسل "الكبير أوي 7" قائلا: "رفقا بالممثلين، هي ممثلة لسه طالعة من سنة وده تدمير مستقبل، مينفعش يقطعوا رقبتها كده من الأول، والمسألة في النقد والناس بتكتب وتقول رأيها، ومعرفش ده حملة ممنهجة أو لا، لأني مقدرش ادخل في نظرية المؤامرة، هي المسألة كلها إن في ناس بتمشي مع الموجة، وهي بتجسد نفس شخصية السنة اللي فاتت بنفس الطريقة اللي قدمتها بيها، هي معملتش جديد، فأنت بتنتقد ايه".

وتابع قائلا: "وهي بتشتغل في ضمن كرو محترم كمان، مع الأستاذ أحمد الجندي وأحمد مكي، أكيد يعني في ١٠٠ فلتر بتعدي عليه عشان تعمل الشخصية.

محمد رضوان وتوقعاته عن نجاح مسلسلات رمضان الحالي

أجاب رضوان على سؤال "الفجر الفني" بشأن توقعاته عن نجاح بعض المسلسلات قائلا: “كل اللي بيقدموا مسلسلات، المسلسلات ده متعوب فيها جدا والناس بذلت فيها مجهود ضخم، وانا اتمنى النجاح للكل على حسب المشاهد راح اتفرج على ايه، والمتابعة ده بتبقى أذواق، كل واحد بيتابع مسلسل بيبقى شايف أنه أحلى مسلسل بيتفرج عليه، والحكم دايما المشاهدة، الناس تتفرج وبعد كده تقول رأيها، وكل الحاجات ده سهل متابعتها بعد رمضان".

وتابع قائلا: "وده لأن وقت رمضان ضيق، وفي ناس مبتتفرجش على التليفزيون خالص في رمضان عشان العبادة، وممكن التليفزيون ده يتقفل ميتفتحش خالص، ويقولوا بعد رمضان هنتفرج، رمضان شهر مينفعش نضيعه في إن أنا أجري ورا المسلسلات يعني صعب اسيب مثلا التراويح عشان اتفرج على مسلسل"

وأشار إلى أهمية العبادة في رمضان على غرار الحديث عنها مع المسلسلات التي تعرض فقال: "كل واحد على حسب ذوقه وظروفه، بس هو رمضان شهر عبادة احنا بنتفرج على المسلسلات ان بيتوين، انما أنا مش هسيب العبادات واقعد اتفرج أو اتابع مسلسل، المسلسل ممكن اجيبه بعد كده، وفي أوقات إعادة كتير لكل مسلسل، المسلسل بيتذاع على مستوى متكرر، متلحقش قبل المغرب يبقى بعد التراويح يبقى بعد الفجر، لازم كل واحد يدي كل حاجة حقها".