حسن شاكوش: " أنا عمري ما احتاجت حاجة من حد في الشغلانة دي حتى لو هشحت "
وجه مطرب المهرجانات الشعبية حسن شاكوش، رسالة شديدة اللهجة لـ مهاجميه،عبر تطبيق “ تيك توك ”، أنه ليس لأحد فضل عليه في الوسط الفني ولا صحة من الاقاويل والتصريحات المترددة، وأنه فقط ممتنع عن الحديث حتى يوجه تركيزه على أعماله الفنية فقط خلال المرحلة المقبلة.
حسن شاكوش يوجه رسالة عبر تيك توك
وقال حسن شاكوش في لايف عبر حسابه الشخصي بموقع" تيك توك ":" اللي هيطلع بعد كدة ويجيب سيرتي في حاجة، أنا سايبك لما تشوفني تقولي حبيبي ولما حد يخبط فيا تشيرله وأنا عمري ما احتاجت حاجة من حد في الشغلانة دي حتى لو هشحت".
وتابع:" أي حد هيطلع يجيب سيرتي في أي برنامج أنا مابعتمدتش حد في الشغلانة دي ومش معنى كدة أني غلبان ومبتكلمش، لا أنا ساكت بس عشان أكل العيش وعشان أنا محترم مع الناس وأنت عارف".
وأضاف: "أنت عايزني أجيب سيرتك عشان تتشهر وتشتغل أنت مش هتشتغل، ودماغي لما بتهرب مني اللي بيجي على سكتي بدوسه، لو خيالك فكر إنك تطلع تتكلم عليا تاني لو كان راجل كبير أو صغير بتكلم في المجال مش بره لو خيالك وزك".
هجوم حمو بيكا على حسن شاكوش
شن حمو بيكا، هجوما على حسن شاكوش قائلًا: "حسن شاكوش مظهرش إلا معايا أنا والناس كانت بتسألني مين ده في بدايات حسن شاكوش، وحسن شاكوش بيغني الأغاني بتاعتي التي خرجت من الاستوديو الخاص بي".
وأضاف حمو بيكا: "الناس كلها عارفة مين السبب في ظهور حسن شاكوش للنور"، مضيفا: "أنا المدرسة في المهرجانات".
وأوضح حمو بيكا: "أنا قفلت بنت الجيران لحسن شاكوش وفتحت الأغنية تاني ليه.. حسن شاكوش جاب ناس عشان تتوسط أفتح له أغنية بنت الجيران ".
وأضاف حمو بيكا: "لما حسن شاكوش عمل أغنية معايا في بداياته ونجحت قلتله هنعمل شغل كتير، وخدت فلوس من ناس عشان نعمل شغل مع بعضنا لكن حسن شاكوش مجاش وخلف بوعده ".
وتابع حمو بيكا:" حسن شاكوش بيحب السهر ومش بيحب الشغل لكن أنا بتاع شغل بس، مضيفا: "حسن شاكوش وقع فنيا مؤخرا “، مضيفا:” حسن شاكوش مش مشهور أكتر مني ومش محبوب أكتر مني، انا العالم كله يعرفني ".
ورد حمو بيكا، على تصريحات حسن شاكوش عنه، قائلا:" شاكوش بتكبر على الناس وأنا لما أكون غلبان أحسن ما أكون شراني ".
