تامر حبيب لـ "حبر سري": "بلبس حلق وخرمت أذني في 2020.. ورجالة مصريين بتعمل زي"
كشف السيناريست تامر حبيب، عن قيامه بخرم أذنيه وارتداءه حلق في الأذن، مضيفا: "وداني مخرومة وكنت لابس حلق ومش بلبسه كله يوم لكن لما بكون في حاجة لها علاقة بالظهور في التلفزيون أو الاعلام مش بلبسه عشان مبقاش مستفز للبعض".
وأوضح تامر حبيب، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أن صورته بالحلق المتداولة على السوشيال ميديا كانت خلال حفلة خارج مصر، مؤكدا أنه شخصية تحب أن تظهر بطبيعتها وما يكون بداخله هو ما يظهر أمام الناس.
واستكمل: "في رجالة بتلبس حلقان في كل حته في الدنيا ولبس الحلق ثقافة أكثر منه ترتديه السيدات، وأنا لما خرمت ودني كان في 2020 ومكنتش في مصر ولما وصلت البيت كان في شخص بيعمل معايا افريقي ومكنش مستغرب من لبسي الحلق، وفي مصريين بيلبسوا حلقان ومش دوري اعمل للناس اللي يتقبلوه".
تامر حبيب: ممتنع عن الصيام من 5 سنوات ولازم أشرب ميه على الريق يوميا
كشف السيناريست تامر حبيب، عن عدم صيامه منذ 5 سنوات بسبب حالة مرضية، قائلا: "بقالي 5 سنين مش بصوم عشان العملية اللي عملتها تحويل مسار وقبلها كان جالي جلطة عشان كده ممنوع أصوم ولازم اشرب ميه على الريق كل يوم".
وأوضح تامر حبيب، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أن الصوم علاقته بالله وأنه يحب الصوم وممتنع عن الصوم الان بسبب حالته الصحية، مضيفا: "دي علاقتي بربنا وانا بحب الصيام ولحظة الفطار متربي عليها فبدأت افطر من الوقت اللي ممنوع اصوم وكان سبب مرضي".
وأشار تامر حبيب، إلى أنه لا يقدم المثلية الجنسية زيادة عن اللزوم في أعماله، متابعا: "مش بمرر المثلية الجنسية زيادة عن اللزوم في أعمالي، ودور الفن الكلام عن المسكوت عنه في كل المجالات وده نموذج موجود في المجتمع العربي وكل مجتمعات الدنيا".
