عارفة عبد الرسول تؤكد تعرضها لأزمة نفسية.. وتعلق: "لما شفت شيف برنامج رامز نيڤر آند فكرته إرهابي"
ختم النجم رامز جلال برنامجه "رامز نيڤر آند" أمس في أول أيام عيد الفطر المبارك، من خلال استضافة النجمة القديرة عارفة عبد الرسول، في برنامج المقالب المذاع عبر شاشة قنوات MBC طوال شهر رمضان المبارك.
وكشفت النجمة عارفة عبد الرسول عن كواليس برنامج برنامج رامز نيڨر آند من خلال حسابه الرسمي على موقع "فيسبوك"، ونال المنشور تفاعل الكثير من المتابعين.
وبدأت عارفة عبد الرسول في سرد الكواليس قائلة: "اتصلت بيا واحدة وبكل الحب قالتلى احنا بنفتخر بيكى ونفسنا تحضرى معانا افتتاح محل في البوليفارد، من فرحتى مسالتش محل ايه لان كان نفسي اروح السعوديه وكل اللى شغلنى الوقت وزنقه رمضان، بس البنت كانت شاطره وعرفت تدبر الميعاد".
وتابعت عارفة عبد الرسول: "اخلص تصوير واطلع ع المطار الحق اخر طياره افتتح المحل واطلع ع المطار...كده يعنى صد رد ولكم أن تتخيلوا الارهاق والتعب،.من أول ماحطيت رجلي فى المطار وانا باعامل كملكة، خدمة مرحبا وكبار زوار وحوسه، وصلت اخدتنى عربيه فارهه إلى فندق هيلتون الرياض ونزلت فى حته نتفه سويت يجرى فيه الخيل وكل حاجه تاتش بقيت خايفه المس حاجه تفرقع فى وشى، الروم سيرفز كل شويه يخبطوا جايبين تحيه من مدير الاوتيل وكارت بالانجليزى معناه أن إدارة الاوتيل في غاية الانفشاح لاستقباله".
عارفة عبد الرسول كنت في غاية سعادتي ونزلت من السما على الأرض
ثم أضافت: "افتح التليفزيون الاقى صورى بفيديو لطيف وقد ايه احنا مش مصدقين انك معانا، تخيلوا معايا بس الحاله اللى انا فيها،الصبح جم بنات كوافير وماكيير والبنت اللى اتصلت بيا واسمها شريفة، بقت تسالني اسئله عرفت بعدين إنه ا بتشوف شغلها، اطمنت عليا لانى جايه من تصوير واصرت انى اطلب اكل واكل قبل ما ننزل، وصلت قابلتنى المذيعة الجميلة كارلا المريحه للعين والقلب وخضت تجربة السهم والخيل وأنا فرحانه وقصيت الشريط بمقص تحفه ودخلت ع المطعم اللى كل حاجه فيه بتلمع قوى والشياكة والجمال وأنا بازداد سعاده وفرحه مافرحتهاش عمرى".
عارفة عبد الرسول: فكرت رامز جلال إرهابي
وأردفت: "وصل الشيف الكبير هو انا فعلا استغربت شكله وقولت لنفسى إنه شبه الإرهابيين اسود ف اسود كده، وأنا مشرئبه قوى وحاسه انى يسرا ولا ميرفت أمين، هوب لبست التورتايه، انتوا متخيلين، طلعت سابع سما ونزلت على جدور رقبتى، مش مهم المقلب صدمتى النفسيه محتاجه علاج فعلا، أنا باحب رامز من زمان وعارفه أنه الواد الشقى بتاع العيله وفرحانه بيه إنه ماسك فى الواد ده ومش بيتغير حتى أفلامه شقيه، لكن برضه مش كده،.يعنى افرض جرالى حاجه، أنا طول عمرى صريحه معاكم وفعلًا ماكنتش اعرف وده اللى حصل، أما الست شريفه والسيد رامز ليهم روقه بس اتعالج من الصدمه الأول".
