محمد يوسف لـ الفجر الفني: "كواليس 'حرب' كانت هادئة جدًا.. وهذه هي المسلسلات التي تابعتها في رمضان"

كشف الفنان محمد يوسف في حواره الخاص لـ الفجر الفني عن كواليس مشاركته في مسلسل “حرب”، بالإضافة إلى المسلسلات التي تابعها في شهر رمضان، وهذا ما نرصده لكم في السطور التالية.

محمد يوسف: الكواليس كانت هادئة وكان كرو رائع

أشار «يوسف» في حديثه لنا إلى ذكر وقت الكواليس وكيف كان يمر مع كرو المسلسل، فقال: "هادية جدا نتجمع على ترابيزات ساعة الفطار ونفطر ونكمل شغل تلاقي اللوكيشن كله خلية نحل منظمة كرو الاخراج، التصوير، رجالة الإضاءة، الناس بتتعامل مع بعضها باحترام، كرو الإنتاج بيحل أي مشكلة تحصل والممثلين بتذاكر شغل احترافي بشكل جميل".

محمد يوسف: تابعت مسلسلات كثيرة في رمضان

ذكر الفنان «يوسف» في حديثه أسماء تلك المسلسلات التي تابعها في شهر رمضان، فقال: "آه طبعا شوفت مسلسلات كتير منها، رشيد، بابا المجال، جعفر العمدة، الكبير، وأخيرًا حليت بتحت الوصاية، الباقي كنت بتابعه بس مش بانتظام، الصندوق حلو جدًا الحدوتة والكاست، ضرب نار، سوق الكانتو، سره الباتع، فرحان جدًا بحمزة العيلي وتامر نبيل وده ليه ؟ الاتنين ممثليين جامدين بيقدموا رمضان دا شخصيات حادة، الاختلاف.
 

• حمزة (رسالة الامام،الصندوق، الكبير، الكتيبة ١٠١).
   
• تامر (سوق الكانتو،ضرب نار،رشيد،الصندوق)، وطبعا الاستاذ رشدي الشامي في تحت الوصاية والصندوق".

محمد يوسف: أحمد السقا متواضع جدا وتركيبة جميلة

أجاب الفنان محمد يوسف خلال حواره لنا، على سؤال رد فعله عند سماعه بترشيحه لدور في عمل من بطولة أحمد السقا، فقال: "لقيته شخص متواضع جدا وبيحب شغله جدا جدع أوي، بيحب الشاطرين وبيقف جمب الناس تركيبة جميلة اوى واكيد الواحد سعيد الحظ أنه يشتغل مع حد في مكانته إنسانيا وفنيا، وأهم درس عمره ما هيروح من ذهني (الناس اللي ورا الكاميرا أعرفهم وأعرف شغلهم دول اللي شايفينك أول ماتخش تسلم عليهم واحترمهم وتسمع كلامهم)".

محمد يوسف: هذه هي نصيحة السقا لي

وأشار «يوسف» إلى نصيحة من نصائح الفنان أحمد السقا له، فقال: "لأنه بيعمل كدا حرفيا، دايما يخش يسلم على كرو التصوير وعارف شغلهم بالاسم ويتكلم مع ا.اشرف بدران مدير التصوير ويقف مبيقولش غير كلمة واحدة (حاضر )".

محمد يوسف: بعد الحلقة 28 تلقيت شتائم كثيرة

وأردف «يوسف» في حديثه لنا، بعض المواقف التي تعرض لها من نجاح دوره وتصديق الجمهور له، فقال: "بعد الحلقة ٢٨ كمية شتيمة فيا رهيبة دا غير حاجات كتير لكن بعد المسلسل الناس قدرت تفهم إن ده تمثيل، وقطعولي الكاوتش بتاع العربية ونزلوا عنوان بيتي".