محمد يوسف لـ الفجر الفني: "لهذا السبب حلقات حرب لا تحتاج زيادتها.. وهذا رأيي في مسمى التريند"

تحدث الفنان محمد يوسف خلال حواره الخاص لـ الفجر الفني عن رأيه في مسمى التريند وارتباطه بنجاح العمل، والسبب وراء جعل "حرب" في نطاق عدد حلقات 10 فقط، وهذا ما تكشفه السطور التالية.

محمد يوسف: لهذا السبب.. عدد حلقات حرب قليلة

تحدث «يوسف» عن السبب الذي جعل مسلسل 'حرب' في نطاق عدد حلقات مكون من 10 فقط، فقال: "لا شايف إن الجرى والأحداث الكتيرة اللي في كل حلقة دا بيخليني مشدود ومستني الحلقة اللي بعدها، ومحقق السسبنس اللي مطلوب أحسه".

محمد يوسف: لا أفهم في التكنولوجيا والتريند صنعة

وأضاف «يوسف»  حديثه عن مسمى التريند وارتباطه بنجاح العمل ورأيه بهذا المصطلح الذي أصبح مقياس أكبر في تحديد النجاح، فقال: "والله أنا في التكنولوجيا مش بفهم أوي في حكاية الترند دي لكن أنا شايف إنها صنعة أكتر من إنها وحدة قياس للنجاح أو الفشل".

محمد يوسف: هذه رسالتي لأسرة 'حرب'

أخص «يوسف» رسالته إلى أسرة العمل الذي شارك به خلال الماراثون الرمضاني السابق 'حرب'، فقال: "بالنسبة لمسلسل حرب ليا الشرف إني كنت مع الناس المحترمة دي وربنا كلل تعبكم بالنجاح".

محمد يوسف: هذه رسالتي لـ كرو تحت الوصاية

وتابع «يوسف» في رسالته مخصا بالذكر أيضا كرو مسلسل "تحت الوصاية"، فقال: "مسلسل تحت الوصاية أنتم عملتوا المعادلة الصعبة، أنتم عملتوا عمل فني بمعايير مظبوطة يشاهده كل طبقات المجتمع ويحس بيه ويتفاعل معاه، ليه بقول كدا عندك بقى في منهجين لما اجي أعمل مسلسل ياشعبي يا ثقافي مقعر".

وأضاف «يوسف» قائلا: "طيب أنا عندي مشكلة ولا أنا مصروبي (مصري أوروبي) ماليش علاقة بتقاليد المجتمع اللي عايش فيه، ولا عايش في عشة في منطقة عشوائية، أنا بني آدم من الطبقة المتوسطة في مسلسل تحت الوصايا بيعبر عن طبقتي الإجتماعية والثقافية".

محمد يوسف: هذا رأيي في أمر عدد حلقات المسلسلات

وأشار «يوسف» إلى رأيه في موضوع عدد حلقات المسلسلات التي قدمت في أكثر من نطاق هذا العام وتعددت في نطاق 15 حلقة، فقال: "رأيي إن الموضوع حسب الحدوتة، المشكلة بقى الكبرى أنك تجيب حدوتة تتحكي في ١٠ حلقات أو ١٥ وتحكيها في ٣٠، فالطبيعي تلاقي من بعد الحلقة الخامسة الإيقاع راح في داهية وبعدين يرجع في الحلقة ٢٥،  لازم الحلقة يبقى فيها أحداث كثيرة، مش حد يموت فاجيب مشهد الموت واقفل بيه الحلقة والحلقة اللي بعدها مشهد الدفن واللي بعدها العزا لا دا كتير جدا، يبقى أنا محتاج خطوط درامية كتير تفتح في أحداث وشخصيات فتلاقي كل حلقة بيحصل فيها ٥ أو ٦ حاجات مش حاجة واحدة، دا بخلاف الموضوع طبعا لازم يشد الناس، من كل الطبقات ودا محتاج من المؤلفين أبديت لأن السؤال اللي لازم يسأله الصناع هو أنا بقدم العمل دا دلوقتي ليه؟".