محمود غريب لـ "الفجر الفني": "السبب وراء نجاح الشيخ حسان والعترة الورق المميز ومخرج مخلص" (حوار)

فنان مميز دائما ما يبدع ويضيف بصمته في كل دور يقدمه وإن كان صغيرا، بل يعطيه شيئا من اللمسات الفنية الراقية التي تميزه عن غيره، لقد شارك في أكثر من عمل للموسم الرمضاني لهذا العام 2023، بل أنهم كانوا من أعلى المسلسلات مشاهدة في مصر على منصة واتش ات، وفي السطور التالية يرصد "الفجر الفني" تفاصيل ذلك الحوار.

إليكم تفاصيل الحوار:

لقد شاركت في أكثر من عمل في رمضان في "حرب" و"جعغر العمدة" و"ضرب نار".. كيف تم ترشيحك لهم؟

- "الشيخ حسان" مع الأستاذ أحمد نادر جلال وهو بالنسبه لي مخرج حاله خاصه جدا هو وكل مساعدينه اصدقائي.
- "العترة" شخصية حبيتها جدا وكانت في افتتاحية المسلسل والحمدلله لاقت نجاح كبير.
- "جعفر العمدة" محمد سامي هو اللي اختارني.

مارأيك في كل شخصية قدمتها؟

-  "العترة" شخصيه حبيتها جدا وكانت في افتتاحية المسلسل والحمدلله لاقت نجاح كبير.
- "الشيخ حسان" بالرغم من إنه ارهابي بس حاولت اكون حقيقي شويه مش شرير وخلاص.
- "صادق" صديق في جعفر العمده شخصيه خفيفة الظل ولكن مساحته صغيره وحبيت اعمله علشان استاذ محمد سامى طبعا كنت مثلت معاه دور من اهم ادوارى في مسلسل ادم.

ماهو أصعب دور بهم واحتاج منك تحضير أكثر؟

يمكن "العترة" حاولت اكون مختلف واجرب حاجه جديده لنفسي كممثل، الحمدلله مفيش صعوبات غير تعب الاكشن بس، خصوصا في جعفر علشان اتعلقت فيه مشهد فكان متعب جدا.

ترشيحك لكل دور منهم هل حملك عاتق المسؤولية الكبيرة فزاد من ضغط العمل والتحضير؟

اكيد الحمدلله كلها اعمال كبيره ومع نجوم كبار ووجودى معاهم بيحملني مسئوليه كبيره اني اتميز واعمل دورى بجوده عاليه زي كل العناصر.

وهل الـ 3 أدوار مع بعضهم في موسم واحد شكل لك عدم توفيق بينهم في الوقت وصعوبة في الخروج من كل شخصية لـ الثانية؟

مجهود مش صعوبة.

وكيف تعاملت معه؟

عادى هو ده الشغل تعب ومجهود واكيد بحاول اعمل اللي عليه واركز واجتهد والنجاح والتوفيق بايد ربنا.

أغلب مشاهدك في "حرب" كانت مع أحمد السقا.. كيف كانت كواليس العمل بينكما؟

ده حبيبي واخويا وصاحبي ونجمي المفضل، وده تاني عمل معاه بعد خطوط حمرا، كلام الدنيا مايكفيش وصف انسانيته أو فنه الحقيقه

كيف حضرت لدور "الشيخ حسان" وخاصة وأنه إرهابي.. وقد ظهر للمشاهد أن له حبكة قوية؟

الحمدلله من توفيق ربنا، والسبب وراه ورق مميز، ومخرج عنده وجهة نظر وفريق عمل. مخلص، وحاولت اكون طبيعي شويه زياده  علشان هو ارهابي عايش وسط الناس فعامل منهم وبيتحرك ف الشوارع زيهم لكن عنيه بس هيي المتوتره وهي اللي بتقول إنه شرير.

رُغم عرض مسلسل "حرب" في أواخر أيام رمضان إلا أنه حصد نسبة مشاهدات عالية احتل المركز الثالث.. ما السبب وراء هذا النجاح؟

الحمدلله ده حقيقي، تجربه حبيتها جدا، حاجه جميله لما تشتغل مع ناس محضره شغلها فاهمين وعارفين عاوزين ايه وعاوزين يوصلوا لايه حقيقي اتشرفت بالعمل مع الفريق ده.

ماهي رسالتك إلى أحمد السقا والكاتب هاني سرحان، والمخرج أحمد جلال؟

- "أحمد السقا" مفاجأه كبيره في دور الارهابي واداء مميز ربنا يكرمه ويستمر في مفاجآته الفنيه المتميزه اللي بستناها دايما.

- "هاني سرحان" اول مره اتعامل معاه في حرب واعماله بتتكلم عنه فنان كبير متميز.

- "أحمد جلال" الاستاذ بقي ده الكل في الكل انسانيا وفنيا وشرف وفخر اني امثل معاه اربع اعمال بحبهم جدا القيصر وكوفيد  والعنكبوت وحرب واتشرف اني اصلا من اكتشاف الراحل العظيم نادر جلال.

كيف كانت الكواليس مع كرو العمل؟

من اجمل الكواليس علشان كلنا صحاب واخوات من زمان وده مش غريب على السقا.

شاركت في "جعفر العمدة" وكان المسلسل بالفعل قد صنع شعبية كبيرة هل كنت متابع للمسلسل أثناء العرض؟

اه جدا من معجبينه.

بالنسبة لمسلسل "ضرب نار" بعض الجمهور قالوا أن تمثيل ياسمين عبد العزيز وأحمد العوضي سويا غير موفق.. ما هو رأيك في كلامهم والرد عليه ؟

انا مش متابع كل اراء الجماهير علي السوشيال بس الشارع هو المقياس الحقيقي وفي الشارع كله بينده علي العتره يبقي ضرب نار ناجح.

هل تابعت مسلسلات في شهر رمضان ؟

أه كتير، اللي عجبوني بس: (رشيد، تحت الوصايه، جعفر العمدة، الهرشة السابعة، كامل العدد ).

ماهو أكثر شيء جذبك في كل عمل منهم؟

تقدير عقل المشاهد، كلها اعماال ناجحه فنيا ومميزه جدا ومتعوب عليها.

ماهو أكثر عمل جذبك لدرجة أنك تمنيت المشاركة به لتميزه أو احسست بأن هناك دور به يشبهك؟

تحت الوصاية ورشيد

هل هناك أدوار معينة قمت باختيارها؟ أم المشاركة فقط والاختيار للمخرج؟

الاختيار في المتاح علشان كده بعد ترشيحي بقرر.

هل تابعت برامج في رمضان ؟

لا، كنت بصور ليوم ٢٦

هل شاهدت برامج مقالب رامز جلال من قبل؟

اه طبعا لو جه قدامي بسيبه

ما رأيك في هذا النوع من البرامج؟

عرض وطلب وليه جمهور كبير

وماذا لو وقع الفنان محمود غريب ضحية من ضحايا رامز؟ ايه هيكون رد فعلك ؟

الله أعلم 

هل تعاونت من قبل مع الفنان رامز جلال في عمل؟

فيلم احلام عمرنا وهو نجم كبير وفنان وصديق، وبحبه جدا

شهدنا في هذا الموسم الرمضاني عدد من المسلسلات في نطاق 15 حلقة بدلا من 30 بل أن حرب كان في حيز 10.. من وجهة نظرك أيهم أفضل من حيث العدد؟

من ٨ ل ١٥ حلقه ده وقت مثالي

لماذا وقع اختيارك على هذا النوع؟

اكتر من كده ملل واقل من كده فيلم

وهل منطق عدد الحلقات له دور في نجاح العمل ويؤثر فيه ؟

المهم القصه محتاجه قد ايه وقت، ما قل ودل

من وجهة نظرك أيهما أفضل في عرض المسلسلات المنصات أم الشاشة؟

الاتنين

بعض الفنانين قالت المستقبل للمنصات.. هل من وجهة نظرك من الممكن أن يحدث وينتهي مسمى التلفاز؟

كل شيء ممكن التكنولوجيا بتتطور اسرع من الخيال

للتلفاز جمهوره الخاص وهناك بعض الناس لا تتابع منصات.. فهل من الممكن أن يسبب هذا عجز في نجاح العمل؟

ممكن التفاز نفسه يتطور انا معرفش رايحه بينا فين يا تكنولوجيا

هل "محمود غريب" يحب مشاهدة الأعمال الدرامية أو أي عملٍ على منصة أم تلفاز؟

منصه عشان الاعلانات، والله هي الحسبه مش كده، الحسبه عندي جمهور السوشيال ميديا ولا جمهور الشارع

وما الفرق بينهما؟

فيه اعمال بتنجح جدا علي السوشيال ميديا ويحيلي رسايل والدنيا تتقلب بس انزل الشارع محدش عارف حاجه، واعمال تكسر الدنيا ف الشارع ومايجيش عنها حاجه في الميديا

بم أنك شاركت في 3 أعمال هذا الموسم الرمضاني.. أيهم كان جمهوره "الشارع" والآخر "سوشيال"؟

جعفر العمده وضرب نار وحرب الحمدلله في الشارع والسوشيال ليهم جمهور كبير وده من حظي.

ماذا سيكون رد فعلك لو عُرض عليك عمل تقدم خلاله دور البطولة الرئيسية ؟

الشخصيه هي الاهم المسميات متهمنيش

ما هي ملامح الشخصية التي تفضل تقديمها في أي عمل ؟

اي شخصيه مكتوبه وتحمل ابعاد وعمق بتشدني، احب ادور بين السطور، يعني الورق هو اللي بيحكم

هل هناك أدوار أحببت أن تضيف بها من عندك غير المكتوب؟

لا طبعا اضافة تفاصيل بس ممكن اه

هل أضفت بعض التفاصيل في دور من أدوار رمضان هذا العام؟

اكيد ليا بصمه في كل شخصيه

رغم تقديمك لأدوار كثيرة في الشر.. ولكن أداءك يجعل المشاهد محبا له من هدوء تقديمه دون العنف.. هل هذه رسالتك من الدور؟

مفيش شخص شرير علي طول أو دايما أو مطلقا، الشرير بني ادم، بيحب ويفرح ويكره ويضحك، وده اللي يخليكي تصدقي إنه بني ادم بس افعاله شريره لاسباب، مش هو مولود شرير.

أداؤك غالبا يجعل المشاهد في حيرة هل أنت شرير أم طيب ولربما لهذا السبب يتعاطف معك وأعتقد أن هذا الأكثر نجاحا لا يجعل الجمهور ينقلب عليك بسبب الشخصية.. ما رأيك في ذلك ؟

انا بس عملته كده علشان اعمله عمق وهدوء وثقه، الحمدلله دي اشاده

ولكن دور "عثمان" في "حرب" كان متجرد من الإنسانية.. بل أنه قتل أخته وتسبب في دمار باقي عائلته.. ما رأيك في إنسان مثله؟

ارهابي ماليش راي طبعا

هل من الممكن أن يكون ضحية لأهله أم هذه طينته؟

مفيش حد بيتولد شرير، البيئه والاسره والتعليم وو وو عوامل بتؤثر علي تكوين الشخصيات، لو بتتكلمي عن حسان تحديدا فهو شخص دخل مبكرا ونشأ في جماعه ارهابيه وتدرج فيها واصبح له طموح شخصي بتحقيق انتصارات أو جماعي لنصرة الجماعه، وهو خائن كمان، هو اللي دل عثمان علي امير الجماعه لينتقم منه ويسترد خاتم ابيه.

بالفعل ولكن هل هذا لسبب أم أحس أن عثمان قد ظُلم بقتل أبيه وأحب مساعدته؟

بالنسبة لحسان، اللي خان مره يخون علي طول لو الاحداث طولت اكيد كان هيبيع عثمان، اعتقد يعني.

ولكن قتل.. هل مشهد قتله كتب هكذا أم تغير طريقته مثلما حدث مع "معتصم"؟

لا كده

بالنسبة لدور "عثمان" لقد سأله "الشيخ حسان" عن حقيقة سيرهم الصحيح وهل هو صح أم خطأ وأجابه بأنه سؤال تأخر طرحه.. هل تعتقد "عثمان"  غبي أم ذكي؟

غبي

ماهي المشاهد التي تسند إلى دعم ذلك الوصف وكيف كان ليفعلها؟

مقدرش االف علي المؤلف، هي القصة كده

بالنسبة لتريند أرقام "900" وأعداد الحروف وتفاعل الفنانين معه.. هل رأيته؟

لا معرفش، مش متابع تريندات اقصد، اه كل موقع مطلع الاستفتاء بتاعه، عادى خلي الكل ينبسط

ماهي رسالتك لكرو "ضرب نار"؟

سعيد بمشاركتي بالمسلسل ويارب العتره يكون ساب اثر كبير

وماذا عن رسالتك لياسمين عبد العزيز وأحمد العوضي؟

حبايبي دول شركاء الكفاح والنجاح

من هو أكثر مخرج أحببت العمل معه؟

اول مره اتعامل مع مصطفي فكرى وبقي صاحبي وحبيت شغلي معاه جدا

ومن المخرج الذي أحببت العمل معه ولكن لم يسعفك الوقت والحظ؟

مي ممدوح، محمد شاكر خضير

هل تعاونت مع أحدهما من قبل؟

اه مع محمد شاكر في طريقي

هل سمعت عن الهجوم على رحمه أحمد في أولى أيام رمضان ؟

سمعت، بس للاسف ماتفرجتش علييه علشان الشغل

ما رأيك في مسمى "التريند"؟

زى المانشيت زمان وبيتغير كل يوم

هل ترى أن نجاح العمل مرتبط به ويعد مقياس ؟

لا نهائي، النجاح في فن التمثيل بيكون في الشارع ان الناس تنادى أو تجرى أو تحب الشخصيه ف العمل، أو النجاح الفني ان ف الوسط انجح ف يجيبوني تاني اكبر وافضل

هل ترى أن "التريند" شيء مفتعل؟

ساعات كتير بيبقي مفتعل طبعا، بس فيه تريندات حقيقيه

من هم الأشخاص الذين تحب أن تهديهم نجاحك هذا العام؟

مراتي وولادى وصحابي، وبهدي كل حاجه في حياتي لوالدي ربنا يرحمه فأنا مدين له بكل شيء.

هل هناك أعمال قريبا ؟

ان شالله استكمل تصوير فيلم البعبع أ. حسين المنباوى وبطولة امير كراره وياسمين صبري وباسم سمره وتوته ومحمد انور

ومتى ستعود لإستكمال التصوير؟

المفروض الفتره دي نرجع نكمل

هل بدأت بالفعل به؟

اه قبل موسم رمضان وتوقف عشان رمضان وهنرجع تاني

حدثنا عن دورك في "البعبع" وملامح الشخصية؟

بعمل دور زكريا صاحب بازار وصديق البطل وبساعده في تخطي مشكلته

ماذا عن ورق الدور هل صعب؟ أو تواجه صعوبات به؟

لأ والله دور كوميدي ومعايا أخف وألذ ناس في الدنيا.