عماد الطيب لـ الفجر الفني: "كنت محظوظ بالعمل مع أحمد السقا.. والكواليس مع أبطال 'حرب' كانت مريحة وهذا ما فعلناه بها"

كشف الفنان عماد الطيب لـ "الفجر الفني" عن وقت الكواليس في مسلسل "حرب" وكيف مرت، وسعادته بالتعاون مع أبطال العمل، وأن التجربة معهم كانت مريحة ووقت ممتع أضاف له الكثير، وهذا ما نرصده لكم في السطور التالية.

عماد الطيب: كواليس العمل كانت مريحة وهذه نعمة من الله

تحدث "الطيب" عن تجربة العمل في "حرب" وكواليس العمل، فقال: "كواليس العمل كانت مريحة جدا، يعني الحمدلله دي نعمة إن الواحد يعمل حاجة هو بيحبها، وفي نفس الوقت يعملها في ظروف مريحة، ليه لأن كل ما كنتي مرتاحة أثناء المنظومة أو في المنظومة وأثناء العمل كل اما كنتي قادرة تدي مية في المية من تركيزك وتفكيرك إنك إزاي تطلعي حاجة للجمهور قيمة وذات قيمة لأن لو أنتي واحد في المنظومة مكنش مرتاح ومكنش قادر يركز، للأسف هيطلع حاجة نص نص".

عماد الطيب: كنت سعيد الحظ بالعمل مع أحمد السقا

وتابع "الطيب" برأيه في أول لقاء بينه وبين الفنان أحمد السقا في مسلسل "حرب"، فقال: "أنا الحمدلله كنت محظوظ جدا أنه أول لقاء ليا مع أستاذ أحمد السقا، أنا بمثل بقالي دلوقتي 11 أو 12 سنة بروفيشنال، وقبليها كنت بمثل سواء في مسرح الجامعة أو بمثل في قطاع الهواة، أنا عايز أقولك إن ده أول لقاء ليا مع أستاذ أحمد السقا فعلي في عمل، قبل كده التقينا مقابلة مرة بس مكناش نعرف بعض كويس، وكنت أنا أصغر من كده شويتين تلاتة، لكن لما قابلته بتحسي إن مافيش غربة تماما، رجل في منتهى اللطف وفي منتهى الظرف يعني بداية كلامه معايا ازيك يا أستاذ أنا مبسوط جدا إننا هنشتغل سوا دي خليتني إن أنا من الداخل ياترى هعمل إيه في العمل ده لفكر تاني خالص، أنا لازم أعمل حاجة حلوة عشان أبقى طالع مع النجم اللي بحبه بشكل محترم وبشكل لائق دي حاجة".

عماد الطيب: كواليسي مع فراج كان بها عمل كثير وخاصة الملاكمة

وأضاف "الطيب" الحديث عن كواليسه مع الفنان محمد فراج، فقال: "الحاجة التانية بالنسبة لفراج طبعا كواليسي مع فراج ودي فيها شغل كتير شويتين تلاتة بالذات فيها مشاهد الملاكمة، انا فراج أصلا صديقي من 2010 هو كان في مركز الإبداع الفني دفعة قبلي وأنا جيت في مركز الإبداع الفني مع استاذ خالد جلال، طبعا الراجل الأستاذ المحترم اللي بكنله كل العرفان والتقدير، أستاذنا كلنا وأستلذ أغلب الناجحين دلوقتي في المجال ماشاء الله الله أكبر يعني، أنا كنت الدفعة اللي بعد محمد فراج عند أستاذ خالد جلال وتعرفنا على بعض هناك وكنا أصدقاء جدا وكنا نعرف بعض كويس جدا، مشتغلناش مع بعض ومجتمعناش مع بعض في أعمال وجها لوجه في الشغل، بس أول ما شوفنا بعض، أنتي بتقابلي واحد صاحبك أكنك كنتي معاه امبارح، فراج كده، فراج يعرفك فأنتي صديقه، صديقه المقرب بيديلك مساحة من الاهتمام ويذاكر معاك الشغل ويقولك طول الوقت، لو شاف حاجة مثلا أنت مثلا من ضغط المجهود".

وتابع "الطيب" قائلا: "كنا بنشتغل في أوقات وعملنا ماتشات الملاكمة دي في 6 ساعات، 6 ساعات بنلعب ملاكمة أنا وهو في الحلبة، فأنتي بتبقي مجهدة تماما، هو بيركز معاكي، عمدة لا أنت عملت دي هنا كانت حلوة، لا تعالى نعمل ده كده طب أيه رأيك كذا، في مشاهد التحقيق بيقعد ويذاكر معاكي، لما تعملي حاجة حلوة يقولك الله حلوة دي، طب ما تيجي نقول كده، هو في نفس الوقت إيه رأيك في ده، لأ لأ فراج هو صديقي المحترم اللي بحبه، وبيحب شغلانته جدا وبيحب مهنته جدا، نفس النظام صراحة مع أستاذ أحمد بيحب مهنته جدا أحمد السقا، ده راجل جميل مركز وفاهم وواعي وعنده ذكاء كده غير الذكاء الاجتماعي عنده ذكاء فني بيعرف يقول إيه امتى تفك الدنيا كلها وتسهل الأمور".

عماد الطيب: أحب أستاذ أحمد نادر جلال منذ زمن فهو من مخرجيني المفضلين

وأشار "الطيب" في حديثه عن الكواليس إلى المخرج أحمد نادر جلال، فقال: "طبعا أحب أضيف على موضوع الكواليس ده إن إحنا عندنا أستاذ أحمد نادر جلال، أنا بحب الراجل ده من زمان أو ي، ده من مخرجيني المفضلين رجل لما قابلته عرفت هو ناجح ليه، مركز جدا محترم جدا، بيدي مساحة لكل واحد يقول رأيه، ياخد أحلى حاجة في رأيك والباقي يقولك بلاش ده، طب قول كده خليني أحس كده أنت هتقولها ازاي، تقوليها لو عجبته مثلا يقولي آه حلوة الجملة دي خليها كده، ده كله بيقوله في وبيعمل كل ده في جزء من الثانية".

وأردف "الطيب" في الحديث عن المخىج أحمد نادر جلال، قائلا: "المشهد مبياخدش وقت، بيدخلك في المود بسرعة جدا، بياخد اللي هو عاوزه بسرعة جدا، مبيرهقش الممثلين اللي معاه، وفي نفس الوقت مبيسيبش تفصيلة تعدي هو مش عايزها، أي تفصيلة هو مش عايزها أو عايزها ومتعملتش بيعملها وبيخليكي توصليلها بسهولة جدا وببساطة، ده بقى أنا شوفته مش بس مع الممثلين ده مع الممثلين وشوفته مع الكرو كله تصوير وإنتاج وكل حاجة، هو رجل غاية في اللطف وفي النبل وطريقة كلامه بتدخلي اللوكيشن أنتي مرتاحة من أول لحظة دخولك لحد لحظة خروجك مبتحسيش خالص أنك تعبتي، اشتغلتي بقى 10 ساعات اشتغلتي 12 ساعة متواصل، اشتغلتي ساعة الاحساس واحد، العملية سهلة وبسيطة، ومافيش تعب".