غادة عبد الرازق: بخاف من الموت.. ومسامحة محمد سامي

كشفت الفنانة غادة عبد الرازق، خلال تصريحات صحفية عن حقيقة خلافها مع المخرج محمد سامي.

وأضافت:"حتى لو هو عنده ضغينة من ناحيتي أنا معنديش من ناحيته أي حاجة وحشة، وبقول دايما إن وقت ما الموقف بيحصل بيكون الشيطان بينا، وكل ما بكبر بفكر إن كان ممكن الدنيا كانت تكون أبسط من اللي حصل، فلازم ألاقيله هو كمان عذره لو هو متضايق مني".

غادة عبد الرازق: بعمل موائد الرحمن تحت بيتي 

وأكدت:"أنا بحب ربنا طبعًا، مفيش حد يقدر يزايد عليه، وطبعًا الواحد بيخاف من الموت، والبنى أدم أصلا بيخاف من المجهول.. أنا بعمل موائد الرحمن تحت بيتي ومش بصورها أبدًا ودا من زمان، ولكن توقفت أيام كورونا ورجعت تاني".

هل تعود غادة عبد الرازق للتعاون مع محمد سامي بعد خلافهما؟

وقالت:"الخلافات بيني وبين محمد سامي خلصت من زمان، ولما بنتقابل بنسلم على بعض طبعا، وهو نزل بوست في كلام ربنا فـ أنا لازم أرد زي ما برد على أي حد، ومش هنسى إني في يوم من الأيام أكلت عيش وملح معاه.

غادة عبد الرازق تكشف عن هذا السر

وواصلت:" عندي 4 تاتوهات، بس هشيلهم عشان حد قالي إنهم حرام ولما الواحد بيروح عند ربنا بيضطروا يشيلوا طبقة من الجلد أثناء الغُسل.

آخر أعمال غادة عبد الرازق

والجدير بالذكر آخر أعمال الفنانة غادة عبد الرازق مسلسل" ثلث الثلاثة"،والذي حاز على إعجاب الكثير من الجمهور، والمسلسل من بطولة محمد القس، أحمد مجدي، ليلى أحمد زاهر، صلاح عبد الله، وعدد آخر من الفنانين.