غادة إبراهيم: "معنديش كبائر لأني مش بقطع صلاة ولا صوم ولا زكاة.. وعمري ما أذيت حد"
كشفت الفنانة غادة إبراهيم خلال تصريحات صحفية عن خوفها من الموت.
وأضافت: "مش بخاف من الموت ولكن خايفة أموت وأنا مش بصلي ومش لابسة حجاب، ونفسي لما ربنا يطلبني أكون مستعدة وخالية من الذنوب وأي ابتلاء بيخلص من ذنوبنا في الأخرة".
وتابعت: "الحجاب فرض ربنا وأجلا أم عاجلا هلبسه، وأنا معنديش كبائر لأني مش بقطع صلاة ولا صوم ولا زكاة وعمري ما أذيت حد".
وقالت: "أنا مريت بكل حاجة ممكن الإنسان يتخيلها وأذى وتنمر وخيانة، واحنا مش أحسن من الأنبياء ولما ربنا بيبتلي حد بيكون بيحبه وبيخلص له ذنوبه، وأي حد بيتكلم عليا بياخد ذنوب وبيديني حسنات".
وأوضحت: "أنا جوايا خير وأي حد قريب مني بيقولي إني جوايا خير، وحتى اللي أذوني معملتش معاهم كدا وعمري ما أذيت بني آدم في حياتي، وبخاف ربنا أوي وبقول أي شر ممكن أعمله ممكن يحصل لأمي أو أسرتي".
وفي وقت سابق، تقدمت غادة إبراهيم ببلاغ ضد إحدى صفحات التواصل الاجتماعي بتهمة السب والتشهير عقب نشر مقطع فيديو يسئ لها، وأكدت غادة إبراهيم أنها مستهدفة وهناك حملة مدفوعة ضدها لأنها إنسانة بسيطة.
