حاتم صلاح: مكي فنان وكوميديان كبير ويساعد زملائه.. وأصبت بتمزق في حلقة المباراة

قال الفنان حاتم صلاح، إنه سعيد وفخور بالمشاركة في مسلسل “الكبير أوي” مضيفا “الناس كانت بتشبه عليا من غير الباروكة، لكن دلوقتي خلاص بقيت مشهور، وأول ما تصدرت التريند، اتخضيت وخوفت وكمان العروض بقت كتير”.

وأضاف خلال حلوله ضيف ببرنامج واحد من الناس مع الإعلامي عمرو الليثي على شاشة الحياة،  "استشرت الفنان أحمد امين قال لي أتبسط باللي انت عملته ودخدها واحدة واحدة، وسر النجاح الفريق كله وطبع المخرج الكبير احمد الجندي، والنجم أحمد مكي نجم كبير ويسمح بكل المساحة دى للممثلين معاه دى حاجة محترمة، وكل مشاهد المسلسل كنا بنخرج فيها عن النص، وبنرتجل كتير، وفي مشهد مع حزلقوم مقدرتش امسك نفسي من الضحك، وبقيت كل ما أبص ليه أضحك وأبتدى أستاذ أحمد الجندى يقفش علشان المشهد تم إعادته أكثر من مرة.

حاتم صلاح:" هناك علاقة رائعة تجمعني بالفنانة رحمة أحمد

وتابع: “هناك علاقة رائعة تجمعه بالممثلة رحمة واشتغلت معاها في أمين وشركاه، وهى كوميديانة كبيره وبتعمل حاجات محدش يعرف يعملها غيرها”.

نصيحة حاتم صلاح لـ رحمة أحمد

وعن الهجوم على الفنانة رحمة أعتقد أنها كان حملة ممنهجة لأن البوستات كانت واحدة، وكلمتها تاني يوم رمضان وقولت ليها ما تقلقيش، وعادي أنا برضوا اتشتمت كتير في أول الموسم السادس ومكي قال لى ما تقلقش، وهى ما تستهلش الهجوم ده لأنها  ممكن ما تستحملش لكن مع الوقت بنتعود.

مشاهد المباراه من أصعبها في الكبير

وتابع أن من أصعب المشاهد حلقات المبارة وكورة القدم، وفي أول يوم تصوير جالي تمزق في الأربطة وكان لازم احبس رجلى لمدة اسبوعين، وكلمت دكتور صديقي عملي جبيره مثل اللاعبين وكانت بحاول أخفي اصابتي في الجري.