" كفايا تنظير".. كريم فهمي يدافع عن شريف عامر

دافع الفنان كريم فهمي عن الإعلامي شريف عامر بعد الهجوم عليه بسبب مكالمته مع الفنان عادل إمام أمس من خلال حسابه الشخصي على موقع “ فيسبوك”.

كتب كريم فهمي:' رد فعل كل الوطن العربي بمكالمة الاستاذ عادل امام  تجسد في شريف عامر ورد فعله وده كان رد فعلنا كلنا فرحه وبهجه وانبساط انا شخصيا وانا بسمع كنت فاتح بقي.

تابع:' لما الزعيم يحضر يا ساده الكل يتخلي عن المهنيه ويصبح عاشق وجمهور، شريف عامر اعلامي كبير جدا ومحترم وكفايه تنظير يا اهل التنظير  و الحمدلله اننا اتطمنا علي الاستاذ.

فاجاءت الفنانة لبلبة الإعلامي شريف عامر أثناء مداخلتها الهاتفية معه في برنامج يحدث في مصر الذي يذاع على قناة mbc مصر، لتخبره لبلبة بإنها تحضر له مفاجأة  وإنها لن تخبره بالمفاجاءة ولتدخل يسرا في المكالمة لتخبره بإنها بصحبة لبلبلة وأن عادل إمام سيحدثه على الهواء

ومزاح عادل إمام شريف عامر قائلًا: إنت بتضحك ليه إحنا لسه قولنا حاجة.

ليسأله عادل امام عن سبب ضحكه، فيجيب شريف: مبسوط والله مبسوط عشان في عادل إمام في حياتنا

وداعبه عادل إمام قائلًا: مين ده، أزيك ياشريف وإنت طيب ياشريف

ليرد عليه شريف عامر: وإحنا طيبين بيك، أنت عارف قيمتك عندنا ولا لا.

ليرد عليه شريف عامر: وإحنا طيبين بيك، أنت عارف قيمتك عندنا ولا لا

ويتسأله عادل إمام عن قيمته قائلًا: لا قولي أنت قيمتي عندكوا ايه أنت تقول

وأجاب شريف قائلًا: عندي أنا أنك عملت بنتين من بناتي عربي أن أنا كنت باخد أجازات بسبب إن أنا اروح  فيلم لعادل إمام

ومازحه عادل إمام:  أنت عايظ تقولي إن أنت أبن ناس يعني وبناتك خواجات

وتدخلت يسرا في المكالمة لتخبره بأن الزعيم بيوجه له الشكر، وأعربت لبلبة عن سعادتها بوجودهم بجانب عادل إمام قائلة: ربنا يخليه لينا ودايما قريبين منه وهي كانت مفاجاءة.

وإختتم شريف عامر مكالمته مع لبلبة بشكرها وإنها  اعطته هدية كبيرة، ووجه شريف عامر التهنئة لعادل إمام "كل سنة وحضرتك طيب وكل سنة وإحنا دايما طيبين بعادل إمام من المحيط للخليج".