بعد أزمتها الأخيرة مع الجمهور.. سماح أنور تصحح سوء التفاهم بصحبة أشرف زكي
نشرت الفنانة سماح أنور مقطع فيديو عبر حسابها الرسمي بموقع تبادل الصور والفيديوهات " انستجرام" توضح فيه تصريحاتها الاخيرة التى تسببت في أزمة كبيرة وتفسيرها بشكل خاطئ اغضب منها الجمهور وظهرت على أنها اساءة للشعب المصرى.
سماح أنور تصحح موقفها الأخير
وظهرت سماح أنور عبر الفيديو بصحبة الدكتور أشرف زكي نقيب المهن التمثيلية: "بشكر حضرتك لوجودك جنبي في الموقف ده وسوء الفهم ده، أولا شكرا لكل الناس اللي تفهمت موقفي ووقفت جنبي، وبالنسبة للناس اللي فهموا موقفي غلط أحب أوضحلهم أنا ست مصرية طول عمري وأهلي مصريين، ومصر لها عليا كتير ومكنتش هبقى أي حاجة لولا مصر وشعب مصر".
وأضافت: "كان عندي مشكلة شخصية تخص والدي ووالدتي الراحلين وعملت فيديو كنت منفعلة جدا تجاه الناس اللي تسببوا بالمشكلة دي واتفسر الفيديو بشكل غلط.. أحب أقول جملة واحدة بس معتقدش إن فيه أي جملة تانية تنفع بعدها، مصر وشعب مصر خط أحمر".
وواصلت:" الفيديو بسجله من داخل مسرح نقابة المهن التمثيلية وبتشرفني النهاردة الفنانة الكبيرة سماح أنور.. الفيديو ده معمول عشان أستاذة سماح أنور توضح بعض الأشياء التي وصلت للناس بطريقة غير مقصودة".
أزمة سماح أنور مع الجمهور
جدير بالذكر، ظهرت سماح أنور في بث مباشر عبر مواقع التواصل الاجتماعي قائلة: "هناك مجموعة من الشعب تكره الفنانين وتشتمهم وتنظر لهم بطريقة دنيئة، وده مش بيهم الفنان لأنه بيبدع عشان يتبسط ويبسط الناس اللي بيحبوه، واللي مش سعيد بالفن والفنانين يولع، إحنا كفنانين مش بنعمل الفن عشانك، إحنا بنعمله عشاننا إحنا وعشان خاطر موهبتنا اللي من روح الله نفسه، بس الناس الجاهلة".
وطالبت سماح أنور خلال الفيديو بضرورة إجراء قانوني ضد صاحب هذا العقار لوضع لافتة والديها تكريمها لهما ولمشوارهما الفني، وذلك ضمن مبادرة "عاش هنا"، التي توضع عند منازل الفنانين الراحلين، تكريما لذكراهم، بالتنسيق مع وزارة الثقافة وأبناء الفنانين.
واضافت: "أنا مش بعمل الفيديو عشان يوافقوا، لا أنا بعمله عشان دا ماينفعش يتساب كدة، ماينفعش حد يسيب التخلف دا في النور، اللي يسيبه يبقى مالوش لازمة في الحياة كلها".
