بسمة بوسيل تلغي متابعة تامر حسني على إنستجرام بعد زواج هالة عمر.. فما القصة؟
أصبحت في الساعات القليلة الماضية المغربية بسمة بوسيل حديث رواد مواقع التواصل الإجتماعي بعد تعليقها على زواج هالة عمر مسؤولة السوشيال ميديا الخاصة بتامر حسني حيث نشرت بسمة بوسيل عبر خاصية القصص بصفحتها الرسمية بموقع تبادل الصور والفيديوهات الشهير "إنستجرام" مقطع فيديو من حفل زفاف هالة عمر وعلقت عليه قائلة: "حسبي الله ونعم الوكيل فيكي يا هالة".
وقامت أيضًا بنشر قصة عبر صفحتها الرسمية بموقع تبادل الصور والفيديوهات الشهير "إنستجرام" قائلة: "إحترام العشرة بيبتدي بإحترام مشاعر غيرك، بالذات لو حد كان سبب رئيسي في خراب بيتك وهدم حياة ولادك".
بسمة بوسيل تلغي متابعة تامر حسني
وبعدما قامت بسمة بوسيل بنشر تلك القصص قامت بإلغاء متابعة تامر حسني من موقع انستجرام.
علاقة تامر حسني بـ هالة عمر
وتصدر اسم نجم الجيل تامر حسني مواقع التواصل الإجتماعي بعد حضوره حفل زفاف هالة عمر وتقديمها إلى زوجها واحيائه حفل الزفاف وحضور عدد كبير من نجوم الفن، وبدأ الجمهور يتسأل عن صلة القرابة بين تامر حسني وهالة عمر.
فنشر مقطع فيديو من حفل زفاف هالة عمر موضحًا صلة القرابة بينه وبينها قائلًا: “هي أسمها هالة عمر عرفتها كانت بنت من الفانز صغيره ومن المقاتلين والمدافعين عن تامر على الانترنتو من كتر دفاعها عني لفتت نظري و مره رديت عليها شكرتها ولما سافرت اسكندريه في الوقت ده لقيت بنت صغيره أو ي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل عشان كنت بتحارب جدًا في بداياتي فا اتصدمت ان اللي بتقول كده بنت صغيره كده والمجهود ده كله اللي عاملاه بنت صغيره عندها ١٤ سنه وقتها كانت السوشيال ميديا لسه بتطلع وكنا في شركتنا بندور على شركه كبيره تمسكلي السوشيال ميديا لحد ما قولتلهم انا مش عايز شركه كبيره انا عايز البنت الصغيره دي هي اللي تمسكها، هي في السن ده مصدقتش طبعًا ومن ساعتها وهي اللي ماسكه كل شغل الميديا”.
وأضاف: "الطفله الشاطره اللي كبرت دلوقتي قدامكم هاله عمر،،، اما بقى عريسها العسل ده اسمه عمرو طلب اديها مني انا عشان والدها ووالدتها توفاهم الله. في سنه واحده رحمهم الله ياريت نفتكرهم ونهديلهم ثواب الدعاء والفاتحه.. ومن اللحظه دي اتحولت هاله لبنتي الكبيره بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هاله رديت دلوقتي هنا ربنا يكرمك و يسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع اولادكم الجُمال بإذن الله".
