كيف علق تامر حسني على أزمة بسمة بوسيل وهالة عمر ؟

علق نجم الجيل تامر حسني على الأزمة الدارجة بين بسمة بوسيل وهالة عمر وذلك عبر خاصية القصص بصفحته الرسمية بموقع تبادل الصور والفيديوهات الشهير "إنستجرام" من خلال مجموعة من الأغاني ما بين العتاب والندم والرومانسي.

ولكن أكثر ما جذب انتباه الجمهور هو نشره استوري من أغنية "100 وش" والذي مطلعها اللهم احفظنا من القريب قبل الغريب.

وجاءت كلمات مقطع الأغنية التي نشرها تامر حسني كالآتي:-

اللهم إحفظنا من القريب قبل الغريب
وإحفظنا من اللي حافظنا وكارهنا وعامل حبيب
ياه سواد، سواد مفيش رحمة
والطيبة تاهت في الزحمة
حلوة ومرة كنا سوا
وقلوبكوا بينا كانت تحس
قولولنا ليه دلوقتي ليه
بنشوفكوا في الحلوة وبس

أزمة بسمة بوسيل وهالة عمر منسقة أعمال تامر حسني

حالة من إثارة الجدل أحدثتها المغربية بسمة بوسيل بعد تعليقها على زواج هالة عمر مسؤولة السوشيال ميديا الخاصة بتامر حسني.
وعلقت بسمة بوسيل على زواج هالة عمر عبر خاصية القصص بصفحتها الرسمية بموقع "إنستجرام" قائلة: "حسبي الله ونعم الوكيل فيكي يا هالة"

وأيضًا قامت بنشر استوري أخري تقول بها: " إحترام العشرة بيبتدي بإحترام مشاعر غيرك، بالذات لو حد كان سبب رئيسي في خراب بيتك وهدم حياة ولادك".

ثم قامت بعد ذلك بإلغاء متابعة تامر حسني من موقع إنستجرام.

أنباء عن زواج تامر حسني من يارا السكري 

وانتشرت في الساعات الماضية بعض الأقاويل تقول أن سبب نشر بسمة بوسيل ذلك التعليق على هالة عمر ووصفها بأنها "خرابة بيوت" هو أن هالة عمر كانت تعلم أن تامر حسني على علاقة بصديقتها يارا السكري وأنها لم تخبر بسمة بذلك.

علاقة تامر حسني ب هالة عمر 

الجدير بالذكر أن بداية هذه الأزمة كانت عندما نشر نجم الجيل تامر حسني مقطع فيديو من حفل زفاف هالة عمر وكان هذا المقطع هو سبب إفصاح بسمة بوسيل عن سبب انفصالها عن تامر حسني.

ووضح تامر حسني علاقته ب هالة عمر من خلال هذا الفيديو قائلًا: "هي أسمها هالة عمر عرفتها كانت بنت من الفانز صغيره ومن المقاتلين والمدافعين عن تامر على الانترنتو من كتر دفاعها عني لفتت نظري و مره رديت عليها شكرتها ولما سافرت اسكندريه في الوقت ده لقيت بنت صغيره أو ي  بتعيط وبتجري عليا فا وقفتلها وفكرتني بنفسها وفضلت تعيط".

وتابع قائلًا:" تقولي احنا معاك ولازم تكمل عشان كنت بتحارب جدًا في بداياتي فا اتصدمت ان اللي بتقول كده بنت صغيره كده والمجهود ده كله اللي عاملاه بنت صغيره عندها ١٤ سنه  وقتها كانت السوشيال ميديا  لسه بتطلع وكنا في شركتنا بندور على شركه كبيره تمسكلي السوشيال ميديا لحد ما قولتلهم انا مش عايز شركه كبيره انا عايز البنت الصغيره دي هي اللي تمسكها".

وأضاف: "هي في السن ده مصدقتش طبعًا ومن ساعتها وهي اللي ماسكه كل شغل الميديا الطفله الشاطره اللي كبرت دلوقتي قدامكم هاله عمر، اما بقى  عريسها العسل ده اسمه عمرو  طلب اديها مني انا عشان والدها ووالدتها توفاهم الله.  في سنه واحده  رحمهم الله ياريت نفتكرهم ونهديلهم ثواب الدعاء والفاتحه.. ومن اللحظه دي اتحولت هاله لبنتي الكبيره بجد اللي بتتجوز دلوقتي قدامي وبسلمها لعريسها بنفسي وبغني في فرحها".

وأختتم حديثه عن هالة عمر قائلًا: "معرفتش ارد على كلامك عني في الفرح يا هاله رديت دلوقتي  هنا ربنا يكرمك  و يسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع اولادكم الجُمال بإذن الله".