لأسباب غامضة.. إيهاب صالح يستقيل من إدارة اعمال شيرين
أعلن إيهاب صالح، بشكل مفاجئ استقالته من إدارة أعمال المطربة شيرين عبدالوهاب، لأسباب غامضة لم يذكرها.
وكتب إيهاب صالح، على حسابه الرسمي بموقع "إنستجرام": "جمهور شيرين العظيم، الحمد لله علي نجاح حفل جدة كما كان متوقع وده العادي بتاع شيري في أي حفلة.
أجلت الإعلان بالقرار ده لحد بعد الحفلة وحابب أشكركم جدا على كم الدعم الرهيب في خلال الفترة أللى فاتت ليها في المقام الأول وطبعا بعد كدة ليا.
قررنا إن من الافضل لينا إن نحط صداقتنا والعشرة قبل أي حاجة وإني ابتعد عن إدارة أعمالها وده أكيد لمصلحة الطرفين ولينا اسبابنا".
وتابع: "مبروك وشكرا يا شيري من كل قلبي ويا رب اكون كنت على قد وعدي وكلمتي ليكي انى دايما في ضهرك والحمد لله الدنيا دارت من أول وجديد وتكسري الدنيا حفلة بعد حفلة وخلاص أهو الالبوم على أبواب ومتأكد إنه هينجح نجاح غير عادي.
فرحان بشكل ملوش وصف بنجاحك ورجوعك بالقوي دي وده إللي اتعودنا علية منك طول السنين دي.
أنا كدة كدة دايما موجود زي مانتي عارفة وربنا يديم كل أللى بينا على خير وأسف لو في أي لحظة كنت قصرت معاكي باي شكل". واستطرد:
"أحب اشكر كمان جمهورك اكيد إللي مشوفتش منوا غير كل خير وحب، شكرا بجد من كل قلبي، طبعا واكيد شكر كبير لسيادة المستشار تركي ال الشيخ (أبو ناصر) على كم الدعم الكبير منوا، بمجرد إنه شاف صورة رجوعك للاستوديو وقد إيه كان مهتم ب #شيرين ومقدر قيمتك وتقديرك بشكل يليق بيكي #صوت_احساس_العرب وده مش غريب علية ودايما في ضهر كل الفنانين العرب كدة كدة. دي شهادة حق لازم تتقال".
واختتم رسالته قائلا: "ربنا دايما يحبب فيكي خلقه ويبعد عنك أي شر بكل أشكاله ويكتبلك السعادة. أتمنى التوفيق لمديرين الأعمال الجايين وادعمهم دايما بأي شكل أكيد عشان تفضلي دايما علي القمة".
