رضوى الشربيني: اشترى لحبيبك لبن العصفور وهتنبهري برد فعله

تحدثت الإعلامية رضوى الشربينى، خلال حلقتها من برنامجها "هى وبس"، عبر قناة cbc سفرة، عن أسباب فشل العلاقات العاطفية والتى يكون أغلبها رد فعل عكسى لما تقوم به الفتيات وتبذله من مجهود لإنجاح العلاقة ولكنها تتفاجىء بابتعاد حبيبها عنها. 

رضوى الشربيني تسخر من العلاقات العاطفي 

 
وأضافت ساخرة:" لو عايز لبن العصفور اشتريهوله وهو قاعد ملك ميتحركش من مكانه يقوم هو يحبك ويقع فى غرامك ويحس انك مقطعة نفسك علشانه، ولازم تحسسيه انك مش هتقدرى تعيشى من غيره وإن النفس اللى انتى بتتنفسيه دى مرتبط بيه وانك هتموتى من بعده وهتقطعى شرايينك وتنتحرى". 

رضوى الشربينى تنصح السيدات بهذه الطريقة 

واستكملت قائلة:" خليه يحس قد ايه انتى متمسكة بيه وان ولائك ليه يقوم يحبك ويقع فى غرامك ويتجوزك، وابقى قابلينى وقولى عليا مبفهمش لو عملتى الكلام دة وقعد معاكى شهرين على بعض".
 

واستنكرت قائلة:" ازاى اصلا اشوف وافكر ازاى الراجل اللى فى حياتى يحبنى أن شاء الله ما عنه حبنى، اللى يحبنى يحبنى على بعضى بشكلى وطريقتى وبصوتى الهادى أو صوتى العالى وبشغلى وطريقة لبسى، ولازم يعرف أنه هيحب الباكدج على بعضه وساعتها هيتشال فوق الراس، لو مش هتحبنى كدة فى بلايين من الرجالة على كوكب الأرض غيرك يحبونى وهعرف احبهم".
 

رضوى الشربينى تسخر من طرق السيدات لرضا الرجل

واختتمت قائلة:" مستحيل افكر ازاى ارضى راجل هأأأوو، اللى يحبك يبقى زى ما انتى ياما بوسة كبيرة لبابا ولماما وطنط واحنا مش عايزينه، واى بنت بتعمل العشر حاجات اللى قولت عليهم يبقى تأكدى أنه ماشى ومش هيكمل معاكى".

لهذا السبب رضوى الشربيني تقدم الشكر للإعلامي شريف مدكور

من ناحية أخرى، قدمت  رضوى الشربينى،  الشكر على الهواء لزميلها الاعلامي شريف مدكور بسبب دعمه لها فى بداية مسيرتها المهنية، موضحة: “عايزة أشكر شريف مدكور على الهواء، لأن أنا أول ما دخلت CBC سفرة كنت مرعوبة وخايفة أطلع هواء أو أسجل، ولم يكن هناك أى شخص يعرفنى، ولكن شريف مدكور مدلى يده وقام بإستضافتى فى برنامجه بشكل راقى”.

ورد شريف مدكور:"إحنا أخوات وزملاء أنا بعزك جدا على المستوى الشخصى والإنسانى، أنتى تستاهلى كل الخير وأنتى عاملة حالة حلوة، كون الناس تبقى معاكى أو تختلف معاكى.. ولكن رضوى الشربينى عملت مدرسة فى شكل كرامة المرأة، حتى لو فى ناس بتنتقدك أو معاكى.. بس ليكى الحتة بتاعتك اللى صعب حد يخترقها أو يقلدها، ولو حد قلدك يبقى ماسخ"، وهو ما أكد عليه مراد مكرم أيضا.