تصريحات صادمة لـ هاني شنودة عن رأيه في الذكاء الاصطناعي
انتقد الموسيقار الكبير هاني شنودة تقنية الذكاء الاصطناعي، من خلال لقائه مع الإعلامي سيد علي ببرنامج "حضرة المواطن": "لازم المبدعين وجمعية المؤلفين والملحنين والنقابة والقانونيين ومجلس النواب يقعدوا مع بعض يشوفوا نعمل قوانين للذكاء الاصطناعي لأنه هيمس الماضي مش الحاضر بس".
فيما شبه هاني شنودة الذكاء الاصطناعي؟
وأضاف: "لو نتذكر أول توك توك دخل مصر لو كنا وضعنا له شروطا لقيادته مكناش وقعنا فيما نحن فيه الآن وأصبح لدينا مشكلة".
وتابع: "لو حد جاب حد من النجوم وحزمه ورقصه مسؤولية مين؟، حفيدي هيشوف الحاجة دي ويقول أهو ده اللي كنتوا بتقولوا عليه أهو قاعد يرقص بلدي اهو على واحدة ونص".
وتابع: "يوجد رموز لا تمس عبد الحليم وأم كلثوم وعبد الوهاب وفريد مؤسسة كاملة، دول يتسابوا دول الماضي بتاعنا والجذور اللي نمينا عليها، لا يمسوا ولا نخليهن يغنوا ولا يرقصوا ".
هاني شنودة: الذكاء الاصطناعي يشوه الماض
وأكد:" ممكن الذكاء الاصطناعي ده يشوه الماضي ممكن تعمل عبد الناصر بيغني، مينفعش، أصل فيه حدود، والحدود دي لازم كل الناس مع بعض المبدعين والقانونيين يحطوها، إن شاء الله بكلم رئيس اللجنة بمجلس الشعب الجهة القانونية ونتناقش ونقول نعمل كذا وهكلم النقيب عشان يدعوا أننا نجتمع كلنا ونتكلم عن القوانين دي".
