كلمات أغنية "ماتلزمنيش" للنجم علي الألفي (فيديو)

طرح المطرب علي الألفي، أغنية جديدة بعنوان "ما تلزمنيش"، على موقع يوتيوب. 

تفاصيل الأغنية 

أغنية "ماتلزمنيش" من كلمات وألحان علي الألفي، وتوزيع كريم أسامة.

وتقول كلمات الأغنية: 

و ما دام ردك
كان كدة
ما دام قلت
كل ده
ماتلزمنيش !!!
مش محتاجك !!
مين يتحمل كدة
بقالي كتير عايش مستني
واحشني كتير
بقول.. وبغني
كرهتك آه
فيها ايه يعني
أستاهل أحسن من كدة
و تعبت سنين
أسهر وأعشق
قلبك ولا عمره فاهمني
حاطط في دماغك كام فكرة
مش راضي تشيلهم عني
مش هتعب روحي
و أغير فيها
عشان قلبك يعشقني
و بعدك
هاحب
و أعيش
و انت
ماتلزمنيش !!!

منشور علي الألفي 

وكتب علي الألفي بحسابه على موقع "فيسبوك": "النهاردة صفحة جديدة من كتاب كل شيء قسمة ونصيب، وأغنيتين متفق عليهم ومسجل الجايدات بتاعتهم وكانوا إنتاج وألحان ملحن من دولة شقيقة".

وتابع: "وفضلنا على اتفاقنا وأنا منتظر نمشي خطوة جديدة وهو بيقول إحنا على اتفاقنا بس عندي ظرف مأخرنا، وأنا صابر، النهاردة سمعت واحدة منهم بصوت زميل ولما سألت عرفت أن التانية كمان هتنزل، الحمد لله".