القصة الكاملة وراء تصدر حمو بيكا التريند.. انتظار مولود جديد

عادة ما يتصدر مطرب المهرجانات حمو بيكا التريند نظرًا لتصريحاته العفوية وأحيانًا تكون مثيرة للجدل، لكن تلك المرة تصدر بسبب الكشف حمل زوجته بعد مرور 3 سنوات من زواجهما، وأنهما بانتظار مولودهما الأول.

وقال حمو بيكا خلال لقائه مع الإعلامية ريهام سعيد ببرنامج "صبايا الشمس" إنهما متزوجان منذ 3 سنوات، وإن زوجته حامل في الشهر الرابع للمرة الأولى، مؤكدًا أنه شعر بسعادة كبيرة حينما علم الخبر، وأنهما حتى الآن لا يعرفان هل المولود ولد أو بنت.
 

تصريحات حمو بيكا 
 

وأضاف: "كل الناس فاهمة إن الحياة كلها ذهب، وقالوا قبل كده إني عملت عربيتي بالذهب، أنا معايا كام علشان أعمل كل ده بالذهب، ده ورق اسمه ورق عيار 24". 

وكشف حمو بيكا حقيقة اقتناءه سلسلة تبلغ قيمتها كيلو ذهب، قائلًا:" لو الناس فاهمة إن كل حاجة ذهب خليهم، وعايز أقول للناس سيبوا الملك للمالك،و السلسلة مش كيلو، كيلو الذهب بأكثر من مليون جنيه والمبلغ ده مش معايا".

 وأكد:"عايز أقول للناس إن مراتي بنت ناس وأهلها مبسوطين، وجاية من عند أهلها عندها ذهبها وحاجتها، ومن قريب إديتني ورثها، أخذته منها واشتريت لها السلسلة بيه، وأصبحت ملكها".

 وأشار إلى أنه صاحب الفضل الأول على عمر كمال وشاكوش، لافتًا إلى أن الأخير يعاني من "الغرور".

 

حمو بيكا يكشف تفاصيل أزمته مع هاني شاكر


 

كما كشف تفاصيل أزمته مع الفنان هاني شاكر، معلقًا:" كل اللي هاني شاكر عمله معايا إنه قعدنا في البيت، وهو كل شوية عمال يتكلم إنه جابلي سنتين حبس، وأنا راضي بالقانون بس كل اللي هو عمله معايا ظلم؛ لما يخلي كل بتوع المهرجان يغنوا وأنا لا، مضيفًا: «ربنا جابلي حقي، وجابلنا نقيب ربنا يخليه لينا. وهاني شاكر على دماغنا، وكل اللي هو عمله إحنا عملناه برضو".


 

واستكمل:" النقيب مصطفى كامل نقيب الموسيقيين على دماغنا من فوق، وهو اللي جابلنا حقنا، والمهرجانات اسمها أغاني وليست مهرجانات، ونقيب الموسيقيين لا يرغب في تسميتها مهرجانات، وافقنا على رغبة مصطفى كامل وأصبحنا نطلق على المهرجانات اسم أغاني ولا نشعر بالحزن مطلقًا، الأغاني الخاصة بنا لا نطلق عليها أغاني شعبية"