تامر هجرس: أحنا لازم نحب وضمن الحب ده إننا نفتخر بجمالهم،و نفتخر بشخصيتهم ومنغيرش فيها حجات
كشف الفنان تامر هجرس للفجر الفني عن التصريحات الخطأ بخصوص زوجته وطلاقها، و رد قائلًا:- أنا عارف ان التصريحات لازم يحطوا كلام يجذب الانتباه ويشده ولكن الفتره الأخيره أنا ملاحظ في بلدنا إن الطلاق نسبته زيادة جدًا ودائمًا أنا بقول لأصدقائي المقربين إن اللي عنده خطيبه أو مراته أو صديقته اللي هيتجوزها أنت بتحبها بشكل معين يعني لو حبيتها علشان شكلها وجمالها لما تدخل مكان وناس هتبصلها عشان جمالها وحلاوتها فلازم ماتضايقش من ده لأن هي حلوه وتجذب الإنتباه.
و تابع ، لكن ما يقولهاش أنتي الناس بتبصلك عشان إنتي كنت لابسه أحمر النهارده مثلا ويتخانق معاها فبتوصل الخناقه لإن مش هنخرج المكان ده تاني مش هتلبسي اللبس ده ثاني وخناقات على نفس النهج ده أو مش هتحطي الميكاب ده فيبتدي يطفيها وهو مش عارف إن هو أصلا بيطفيها كده في نظره لأن هو أول ماحبها، حبها عشان الشكل ده ولفت نظره الجمال ده.
و قال أيضا:- فأنت لازم تفتخر بده وتديها حريتها اللي هي متعوده عليها واللي أنت أخذتها بيها لأن بالتالي هتديك نفس الحريه عشان هي لما حبت الراجل ده حبته لأنه راجل ذو ثقه، رجل قوي، وما تقولوش ما تعملش ما تقولش ومتكلمش فلإنه وتحطم فيه، فأحنا لازم مانطفيش البني آدم اللي مشارك حياتنا لازم نحبه ونفتخر بيه، ونشارك الناس باللي هم فيه، ونفتخر بشخصيتهم ما نغيرش فيها أي حاجة.
فيلم "شوجر دادى" تأليف لؤى السيد وإخراج محمود كريم وبطولة ليلى علوى، حمدى الميرغنى، بيومى فؤاد، مى الغيطى، فرح الزاهد، محمد محمود، مصطفى غريب وجوهرة وتامر هجرس عدد آخر من الفنانين، ومن ضيوف الشرف هشام عباس الذى يقدم أغنية أيضًا خلال الأحداث، ومروان يونس وسارة الدرزاوى.
