مصطفى هريدي: "اترفض ترشيحي في أعمال كتير بسبب إيناس الدغيدي وعمري ما هشتغل معاها تاني"
كشف الفنان مصطفى هريدي سبب رفضه العمل مع المخرجة إيناس الدغيدي نهائيا بعد فيلم " مجنون أميرة" قائلا:' مأساءتش ليها على مدار سنين ولا في برامج ولا في أي مكان لكن من بعد الفيلم والهجوم عليا شغل كبير كان بيترفض ترشيحي فيه بسبب السمعه.
تصريحات مصطفى هريدي
وأضاف هريدي خلال حواره مع الإعلامية انجي هشام في برنامج " المنسي" عبر قناة " هي" قائلا:' سافرت وقعدت اربع سنين في الاردن عشان الناس تنسى فوجئت أنها بتتكلم عني في برنامج توك شو وبتتكلم في حاجات يعاقب عليها القانون يعتبر سب وقذف، هل يعقل أن مخلجة تحط ممثل في دماغها كل هذا السنين؟"
وأوضح أنه لم يتخذ ضدها اي إجراء قانوني حينها:' الصحافة وقتها كلمتني قلتلهم الموضوع عند المحامي خدوا كلامي وقالوا إني خدت ضدها إجراء لكن انا مخدتش ضدها اي إجراء لكن أنا كان ممكن اخد ضدها إجراء قانوني والصحافة نشرت ده.
كما تحدث الفنان مصطفى هريدي عن عودته للفن مرة أخري لافتا إلي أن السيناريست أيمن بهجت قمر هو من شجعه على العودة من الأردن.
وأضاف هريدي خلال تصريحاته في برنامج المنسي مع الإعلامية انجي هشام:' رجعت للفن ٢٠١٦ وكان بسبب أيمن بهجت قمر وكان بيعمل ليالي الحلمية الجزء السادس وكان شايف اني طولت جدا في سفري للاردن لاني قعدت اربع سنين.
وتابع:' كان بيخليني انزل اعمل كاستينج على أدوار ولكن مكنش بيحصل نصيب فكنت برجع تاني، وفي ليالي الحلمية قالي تعالي واشتغل وارجع لشغلك هتتنسي، فانا رجعت وعملت ٢٠١٧ عفاريت عدلي علام، ٢٠١٨ مشتغلتش وفي ٢٠١٩ طلعت في إعلان تامر حسني والاعلان ده أثر بشكل كبير جدا لان عمرو وسلمي كان ٢٠٠٧.
وتحدث عن اختيار تامر حسني له في أحد الاعلانات:' تامر حسني اتصل بيا واخترني بالتحديد لأني عملت معاه نجاح في الجزء الأول، الناس تناثرت بالاعلان بشكل فوجئت بيه وفي ناس قالولي أنهم عيطوا، والحته اللي فيها مشاعر دي بتلمس قلبي مع الناس، وده فرحني جدا.
