مصطفى هريدي: كل دور بينادي صاحبه وأتمنى العمل مع تامر حسني

كشف الفنان مصطفى هريدي، خلال تصريحات تلفزيونية عن سبب عدم عمله مع النجم تامر حسني في أعمال فنية قائلا: "السؤال ده أصعب سؤال بيتسألي وبيتسألي من الناس ده مش تقصير مني".
 

وأضاف: "أي مخرج أو منتج لما بيعمل كاست عارف أن اسمي بيتحط في الترشيحات لكن في ممثلين تانية ممكن تفوز بالدور وفي الأول والاخر نصيب".

 

وتابع: "تامر حسني أنا وهو صحاب جدا ولكن كل واحد بيفكر في شغله واتعلمت من عادل إمام أن الكاست ده مفهوش مجاملات، مش عشان أجامل حد اجيبو في دور مش دوره ولكن كل دور بينادي صاحبه".
 

وأوضح: "اتمنى اشتغل مع تامر حسني أكيد وأعتقد أنه أن شاء الله هيحصل".

وواصل: "تامر حسني اتصل بيا واخترني بالتحديد لأني عملت معاه نجاح قبل كدا، الناس تأثرت بالإعلان بشكل فوجئت بيه وفي ناس قالولي أنهم عيطوا، والحتة اللي فيها مشاعر دي بتلمس قلبي مع الناس، وده فرحني جدا".
 

واستكمل:" رجعت للفن ٢٠١٦ وكان بسبب أيمن بهجت قمر وكان بيعمل ليالي الحلمية الجزء السادس وكان شايف اني طولت جدا في سفري للاردن لاني قعدت اربع سنين".

واختتم:" كان بيخليني انزل اعمل كاستينج على أدوار ولكن مكنش بيحصل نصيب فكنت برجع تاني، وفي ليالي الحلمية قالي تعالي واشتغل وارجع لشغلك هتتنسي، فانا رجعت وعملت ٢٠١٧ عفاريت عدلي علام، ٢٠١٨ مشتغلتش".
 

آخر أعمال مصطفى هريدي

والجدير بالذكر آخر أعمال الفنان مصطفى هريدي مسلسل" طير بينا يا قلبي "، والذي حاز على إعجاب الجمهور.