ميمي جمال: "حسن مصطفى لم يكن له نزوات واتطلقنا بسبب حاجه بسيطة ورجعنا بسرعة"

حلت الفنانة ميمى جمال في ضيافة برنامج "واحد من الناس" مع الإعلامي عمرو الليثي عبر قناة الحياة وتحدث عن  زوجها الفنان الراحل حسن مصطفى وقالت إنه لم يكن له  نزوات وصرحت عن مدى ثقتها به.

وتحدثت عن تجربة طلاقهم قائلة: "حصل طلاق بعد ٦ سنوات من الزواج بسبب حاجة عبيطة، ورجعنا لبعض بعد مدة بسيطة جدًا، والي مش كتير يعرفوا عن حسن مصطفي إنه عمل أكتر من ٢٠ حجة و٢٥ عمرة ومكنش بيفوت فرض، وكان لازم يسافر السعودية مرتين فى السنة وكنت مبسوطة طوال حياتى معاه، وبنته من زوجته الاولى، بقت زى بنتى علي الرغم من أنها فى الأول كانت بتعاملنى وحش بسبب أنها كانت حاسه اني أخدت أبوها، لكن بعد ذلك مفيش فرق بينها وبين بناتى". 

ميمي جمال تكشف عن آخر لحظات حسن مصطفى

و تحدثت عن آخر لحظات الفنان حسن مصطفى وقالت: " آخر لحظات حسن مصطفى كنت جمبه فى المستشفى، وقال لى شيلى ايدك من على خدك، هتحطيها كتير بعد كده أجمدي اللى جاي صعب، وحط دماغه على المخدة وراح  بعدله علشان ينام لاقيته مش بيرد جريت على الاطباء فقالو لى البقاء لله، والساعة كانت ٤ الفجر وومقولتش لبناتي علشان ما اخضهمش وقولت  هما هيجوا بكره بدرى يعرفوا وفضلت جمبه اكلمه لحد الصبح".

ميمي جمال تكشف كواليس زواجها من حسن مصطفي

قالت الفنانة ميمى جمال إنه ا كانت زميلة حسن مصطفى فى فرقة سيد بدير لمسرح التليفزيون، فشرحت بداية تعارفهم وقالت: "كنت مخطوبة لظابط، لمدة سنة ونصف و قال لى انا مستنيكى تخلصى تمثيل وبعدين نتزوج لان أنا ظابط ماينفعش تبقى مراتى ممثلة، فحصلت لى كسره وقتها وكنت بعمل مسرحية مطرب العواطف وكنت بحكى له على اللى حصل معايا وكان والدى متوفى من وانا صغيره، وكان بيحكى لى على كل حاجة وهو كان متزوج وعنده بنت والاستاذ سيد بدير جه قال لى طلما بتحبوا بعض طيب ما تتزوجوا"

وأضافت: "فانا قولت ليه لا ازاى هو متزوج وعنده بنت، فقال ليه سيد بدير شوف مراتك وبنتك هتعمل معاها ايه وبعد كده نشوف، وبعد كده طلق زوجته لان فى مشاكل بينهم كتير، وماما كانت رافضه الزواج لأنه أكبر منى فـ ضغطت على ماما واتزوجته، وقولت ليها احنا هنشتغل احنا الاثنين ونكبر مع بعض".