برلنتي عامر: "سعد مصاحب واحدة ومش راضي يطلقني وعرفت حاجات صعبة"

حلت برلنتي عامر زوجة  الفنان سعد الصغير ضيفة على برنامج قعدة ستات والذي تقدمه الإعلامية مروة صبري عبر قناة القاهرة اليوم، وكشفت برلنتي عن تفاصيل خلافها معه وإعلانها انفصالها عنه مؤخرًا على حسابها الشخصي بموقع التواصل الإجتماعي فيس بوك.

خيانة سعد الصغير لبرلنتي عامر

وقالت برلنتي عامر: سعد مصاحب واحدة حاولت تقرب منه من أكتر من 3 سنين وقالتلي هخطفه منك، ولما واجهته قالي عندها مرض كدا مستحيل أقرب لها، وكمان بطلب منه وبقوله طلقني.

وأضافت: طول ما هو معايا بيخوني، وبقاله 5 سنين بيخوني واكتشفت ده لسه من شهر 2، كان عنده فرح في اسكندرية، وبنتي قالتلي بابي سايب الموبايل فتحته لاقيت بلاوي، وبيكلم ستات كتير جدًا وقولتله فين الوقت لده كله، وبيتصل بكل اللي بيكلمهم وبيقولهم برلنتي هتكلمكم دلوقت تقولولها مافيش بينا وبين سعد حاجة احنا صحاب واخوات.

وتابعت: سعد بيخاف مني لأ شوية بيحترمني ممكن، وهو غلط لما طلع يبوس رجلي في لايف والناس قالت سكران، وساعات بيمثل أنه واخد حاجة عشان الناس تصدق، مطلبتش يبوس رجلي ولا يعتذر قدام الناس بيطلع يعمل كدا عشان يبين قد إيه بيحبني.

تفاصيل اكتشاف برلنتي عامر خيانة سعد الصغير

واستكملت: أكتشفت خيانة سعد، لأننا منزلين ابلكيشن عند بعض وبنشوف كل يوم بشوف بيروح فين، ولقيته في مكان في حدائق الأهرام، وعرفت أنه بيقابل واحدة  معرفة ولكن مش صاحبتي، وقابلتني من 3 سنين قالتلي هخطف منك سعد، ومزهقتش وفضلت وراه، ولما عرفت كلمتها اتصدمت في سعد نفسه ازاي يعمل كدا وهو من 3 سنين كان بيشتم عليها وعملها بلوك.

وردت برلنتي عامر على الانتقادات التي طالتها بسبب تشهيرها المستمر بزوجها سعد الصغير، قائلة: والناس مش طمعانة في سعد الصغير عشانه هو لا عشان برلنتي أنا، اللي خطفته مش حطاه في دماغها ولكن هي شايفة سعد معاه فلوس بس رغم أنه 53 سنة، ولكن هي طمعانة فيه حتى بعد عيد ميلادي اللي عملهولي، هي عايزة تتشهر وتطلع معاه في كليبات ومكنتش أعرف أن سعد يعمل كدا وينزل مستواه.

كما أكدت برلنتي عامر على أنها لم تنفصل من زوجها سعد الصغير، قالت: متطلقناش رسمي وأنا كتبت على فيس بوك انفصال ولكن هو مأعلنش، ومش راضي يطلقني، وعرفت حاجات صعبة بعد ما أعلنت انفصالنا، سعد الصغير اللي اتشهر بسببي واشتغل كتير بعد ما أتجوزني، ولكن اما اتجوزنا قالي رجعتي سعد الصغير لمجده تاني.