مصطفى هريدي عن حقيقه مرض الزعيم: ازاي واحد بيلعب كونكان يبقي عنده زهايمر؟
تحدث الفنان مصطفى هريدي عن إمكانية عودة الفنان عادل إمام في أعمال فنية مرة أخرى وعن حالته الصحية لافتا إلي أنه بحالة جيدة ولا يعاني من الزهايمر.
كشف الفنان مصطفى هريدي خلال تصريحاته مع الإعلامية انجي هشام في برنامج المنسي عبر قناة هي عن إمكانية عودة الفنان عادل امام للفن:' مقدرش أصرح بده ولكن هتكلم عن صحته عن الفل ومعندوش زهايمر، رياضة الزعيم المفضلة كونكان ومتقدريش تقولي على أي شخص بيلعب كونكان أنه عنده زهايمر، الشخص اللي بيركز في الكروت والورق والارقام.
تابع:' أستاذ عادل من أكتر الحاجات اللي بيحب يعملها الكلمات المتقاطعة، والجرايد الورقية بتجيله لحد النهاردة، دول حاجتين يخلوا اي حد يقفل بقه لان الكلام ده مش صحيح، كنا معاه يوم عيد ميلاده ربنا بديله الصحه ويخليه لينا لأنه قيمه وقامة لن تتكرر.
وتحدث عن حديث عمه له بشأن عدم مفارقه الزعيم:' عمي مرة قالي يا بني أوعى تسيب الراجل ده طول عمرك ولا تبعد عنه لأنه هو ده الرجل الوحيد الذي يستحق المكان اللي هو فيه، لأنه عمي شاف استاذ عادل في رحله حياته كاملة وعارف قد إيه الراجل ده ليه قيمة وأهمية.
سبب عدم عمله مع تامر حسني
كشف الفنان مصطفى هريدي، خلال تصريحات تلفزيونية عن سبب عدم عمله مع النجم تامر حسني في أعمال فنية قائلا: "السؤال ده أصعب سؤال بيتسألي وبيتسألي من الناس ده مش تقصير مني".
وأضاف: "أي مخرج أو منتج لما بيعمل كاست عارف أن إسمي بيتحط في الترشيحات لكن في ممثلين تانية ممكن تفوز بالدور وفي الأول والآخر نصيب".
وتابع: "تامر حسني أنا وهو صحاب جدا ولكن كل واحد بيفكر في شغله واتعلمت من عادل إمام أن الكاست ده مفهوش مجاملات، مش عشان أجامل حد اجيبو في دور مش دوره ولكن كل دور بينادي صاحبه".
وأوضح: "اتمنى اشتغل مع تامر حسني أكيد وأعتقد أنه أن شاء الله هيحصل".
وواصل: "تامر حسني اتصل بيا واخترني بالتحديد لأني عملت معاه نجاح قبل كدا، الناس تأثرت بالإعلان بشكل فوجئت بيه وفي ناس قالولي أنهم عيطوا، والحتة اللي فيها مشاعر دي بتلمس قلبي مع الناس، وده فرحني جدا".
