إصحى للكلام.. تامر عاشور يروح لأحدث أعماله الغنائية

طرح الفنان تامر عاشور البوستر الدعائي لأحدث أعماله الغنائية، كاشفًا عم موعد طرح أحدث أغانيه الجديدة إصحى للكلام.

حيث قام تامر عاشور بوستر الأغنية، عبر حسابه الخاص على موقع تبادل الصور والفيديوهات إنستجرام، وكتب عليه قائلًا: "إصحى للكلام يوم الأحد 25-6 على يوتيوب وكل المنصات".

تصريحات تامر عاشور لحبر سري

وفي سياق منفصل، تصدر اسم الفنان تامر عاشور تريند محركات بحث جوجل نظرا لظهوره الاخير من خلال برنامج "حبر سري"، الذي تقدمه الاعلامية أسما إبراهيم.
 

ونفى تامر عاشور، ارتباطه بعلاقة عاطفية مع ممثلة حاليا، وحضور عيد ميلادها.
 

الإشاعة بالنسبة لي هي إني حضرت عيد ميلاد
 
مفيش أي علاقة عاطفية، وأنا مش بحب أتواجد في أعياد الميلاد والأفراح، لكن لو عزاء لازم أروح.

يأتي ذلك بعد تأكيد كل من تامر عاشور وسمر أبو شقة انفصالهما رسميا بالطلاق، بعد خلاف استمر بينهما لسنوات.
 
أنا مش مع أي شخص يطلع يقرر قرار اللي هو احنا الموسيقى عندنا انهارت، احنا الموسيقى عندنا رجعت، دا مش بتاع أشخاص.. ومفيش شخص يشوف أن الموسيقى انهارت.

الموسيقى زي الفل، واحنا طول عمرنا عندنا فنانين كتير جدا، وأنا بيصعب عليا يطلع حد مصري، يتكلم ويقعد يقول احنا عندنا الصناعة انهاردة، طب ما أنت في الصناعة !.
 
عمرو مصطفى شخص ابديت جدا، المزيكا بتاعته ناجحة جدا على مر التاريخ مع فنانين كبار وكتير، وتجربة الذكاء الاصطناعي ولا هتنجح ولا هتشوف نور.

آخر أعمال تامر عاشور

يذكر أن آخر أعمال تامر عاشور، كان طرحه أغنية بحبك وخايف عبر قناته على اليوتيوب والأغنية من كلمات محمد الشافعي، وألحان إسلام رفعت، وتقول كلمات الأغنية:

بحبَك وخايف نقرب.. نضيع.. بحبك.. وعارف.. بإنه استحاله

بحبَك وآسف.. خدتني الجلاله.. انا وانتَ حالة.. رفضها الجميع!

بحبَك بقولها.. وجوايا حرب

بقولها ف ضميري..آجي انطقها صعب

ده موقف مصيري..بيعملي رُعب

شوفها فى عنيا.. فى رعشة ايديا..تلاقيها حيّه.. فى قلبي الخجول

طب اقرا الرسايل..هتلاقيني  قايل..بإني بحبك..ما بين السطور

دي واضحة ف كلامي.. وباينه ف سلامي..يا كل اهتمامي.. وأكبر همومي

بخاف يوم ما أقولها..متلعبش دورها..تموت من جذورها..وأموت من ظنوني

بحبَك وساكت.. مبجيبش سيرة.. بحبَك وفاهم.. دي كلمة تقيلة

ولو حتى هي.. تبانلَك عادية..شوفها بعنيا .. تبان مستحيلة