بوسي: طليقي منعني أشوف أهلي وكان خايف "السبوبة" تضيع منه

حلت المطربة بوسي ضيفا في برنامج "حبر سري" الذي تقدمة الإعلامية أسما إبراهيم عبر قناة القاهرة والناس.

وتذكرت المطربة بوسي المشاكل التي واجهتها مع طليقها إلى صغر سنها وقت زواجها، إلى جانب حرص زوجها السابق على عزلها عن المحيطين بها.

وقالت بوسي: "لما إتجوزت كان سني 19 سنة، وكان مقفول علي لدرجة إنه منعني أشوف أهلي وصحابي والمقربين".

وردا على سؤال لماذا تصرف طليقها بهذه الطريقة، قالت: "علشان محدش يلعب في دماغي ويفوقني، ومحدش ياخد منه السبوبة".

بوسي: كنت عايزة أعيش حياتي في نطاق الاحترام

وأضافت: "بعد ما انفصلت بقيت عايزة أعيش حياتي في نطاق الاحترام، وإني ست مطلقة وعندي ولد وبخاف على سمعتي".

تحدثت بوسي عن حقيقة تعرضها للضرب من طليقها قائلة: "كنا بنضرب بعض، ومش أي راجل ينضرب، في رجالة محترمة وفي بيتشبهوا بالرجالة لكن مش رجالة، لإن الراجل المحترم عمره ما يمد إيده على ست".

بوسي: أنا ضربت علشان كرامتي

وتابعت: "أنا ضربت علشان كرامتي وعلشان آخد حقي، مش علشان صرف فلوسي على واحدة تانية، ده ميصرفش جنيه على واحدة".

كذبت بوسي خلال اللقاء تصريحات طليقها عن إنتاج أغانيها قائلة: ": "طليقي بيقول صرفت عليها، جيبوا صوري زمان وشوفوا منظري، ده مش منظر واحدة مصروف عليها الأرقام اللي بيقولها".

بوسي: أنا كنت ست وراجل البيت

وأضافت: "أنا كنت ست وراجل البيت وصرفت وعملت كل حاجة، حتى الأغاني من فلوسي لكن كان كاتب التنازلات باسمه ويقول من إنتاجي".

وحول سبب تصريحات طليقها بأنه صرف عليها مبالغ مالية وأنتج لها، قالت بوسي: "هو كان مدير أعمال زوجته الأولى أم بنته، وكانت ست شغالة في المجال واعتزلت ولبست نقاب، وكان مدير أعمالي قبل ما نتجوز".

وتابعت: "إتجوزنا في أول شغلنا مع بعض، وكمدير أعمالي كان المفروض ياخد نسبة، لكن كان بياخد الفلوس اللي المفروض أنا آخدها ويديني النسبة".