مروة نصر: الأمومة والطفولة بالنسبالي خط أحمر.. وكندا بنتي بتحب ترسم

حلت المطربة مروة نصر ضيفة على برنامج سبوت لايت والذي تقدمه الإعلامية شيرين سليمان عبر قناة صدى البلد، وتحدثت المطربة مروة نصر، عن تفاصيل حياتها الشخصية وأسرتها ووالدتها التي تتولى الطبخ بالمنزل حتى بعد زواجها.

وقالت مروة نصر: مش بغير لون شعري ومش بعمل حاجة في وشي وبيتغير بالميك أب ولو شوفتيني من غير ميكب مش هتعرفيني، لأن الميكب بيغير أي حد، وبحب أرتدي الاسدال وبعيد عن التصوير برجع إنسانة طبيعية وفي أسعد حياتي لما مكنش قدام إضاءة.

وأضافت: لحد دلوقتي ماما هي اللي بتطبخ وأنا من غيرها مليش لازمة، وولادي بيحبوا أكل تيتة ومش بيأكلوا غير من أيديها.

وتابعت مروة نصر ببرنامج سبوت لايت: أنا أم ومطربة وبحب كل حاجة لوحدها والأمومة وحياة الأطفال بالنسبالي خط أحمر، وكندا بنتي بتحب ترسم.
 

كما كشفت المطربة مروة نصر، أنها كانت تتمنى أن تكون طبيبة، وأن والدها السبب في دخولها معهد الموسيقى.

وقالت مروة نصر: كان نفسي أبقى دكتورة وعائلتي مش بتحب الفن، ووالدي أثر على دخولي معهد الموسيقى وكان بيحب الفن الله يرحمه بعكس أعمامي.

واستكملت مروة نصر: والدي توفي قبل طرح أول ألبوم ليا في حياتي بيوم واحد، وكان شايفني في حتة تانية أنا مكنتش شايفاها وعرفت ده لما كبرت، ولولا والدي كان مصير بيتي وولادي وأسرتي في حتة تانية، وكنت ممكن أبقى زي أي بنت باباها معرفش يرسم حياتها صح».

وأردفت: أنا عصبية جدا ومعرفش أعمل كنترول على تصرفاتي وبهدى بعد ربع ساعة من انفعالي، وأنا مش شقية وبنظرة تاخديني لدنيا تانية.
 

آخر أعمال مروة نصر

يذكر أن آخر أعمال مروة  كان طرحها أغنية شكر خاص، وهي من كلمات سارة فرج وألحان أحمد أسامة وتوزيع وميكس يوسف حسين، وإنتاج محمد علام، كيوب ميوزك ومونتاج كريم عوف، وتصوير محمد وجدي.

وتقول كلمات الأغنية: «شكر خاص للرخاص ما خلصنا منهم أنا قلبي فاق شد حيله عليهم عدى وداس واللي هيقل منها وبوش خشب يقابلنا خسران صحبتنا ودلعنا مش وش نعمة يا عشنا الوهم وصدقناه.

مواعيد عرض برنامج سبوت لايت

برنامج سبوت لايت، تقدمه الإعلامية شيرين سليمان، ويعرض مساء يوم الجمعة من كل أسبوع، على شاشة صدى البلد، في تمام الساعة العاشرة مساءً، والإعادة يومي السبت والثلاثاء الساعة 1 ظهرا، على صدى البلد 1، ويوم الاثنين 8 مساء على صدى البلد