بوسي: لم أمنع طليقي من رؤية ابنه بالقوة.. ونفسي أروح لدكتور نفساني

أكد المطربة بوسي، عدم منعها طليقها لرؤية ابنها وأنه لم يسعى لرؤية ابنه، قائلة: "مش مانعة طليقي يشوف ابنه بالقوة وهو مش بيشوفه عشان لم يسعى لده وهو بيقول للناس أني مانعاه ولكن عمري ما امنع ابني يشوف ابوه وابني مطلبش يشوف ابوه ولا أبوه طلب".

واضافت بوسي، خلال حوار ببرنامج "حبر سري"، مع الاعلامية اسما ابراهيم، على قناة القاهرة والناس، اليوم الجمعة، أن طليقها لم يصرف على ابنهما نهائيا، متابعة: "مش بيصرف عليه وأنا اللي متكفله به من يوم ما اتولد حتى الان".

ونفت بوسي، ذهابها لطبيب نفسي قائلة: "المرض النفسي زي أي مرض وكلنا جوانا حاجات محتاجة دكتور نفسي وأكيد نفسي اروح لدكتور نفسي ولكن الدكاترة قليل لما تلاقي حد تثق فيه لكن عمري ما رحت لطبيب نفسي".

آخر أعمال بوسي

يذكر أن آخر أعمال بوسي كان طرحها أغنية مسولي وصبحوا منذ يومين، وتصدرت أغنية مسولي وصبحوا للفنانة بوسي، تريند البحث والإستماع على موقع التواصل الإجتماعي، بعد أيام قليلة من طرح الأغنية والفيديو كليب المصاحب لها، حيث تهافت على إستماعها ملايين المستمعين والمشاهدات، والعمل من كلمات تامر حسين، وألحان عزيز الشافعي، وتوزيع جلال حمداوي.

كلمات أغنية مسولي وصبحوا

ومن كلمات الأغنية: مسوا لى وصبحوا على الحلو فى مطرحه
مسوا لى وصبحوا على الحلو فى مطرحه
اللى بيعدل مزاجى بمجرد ما ألمحه
اللى بيعدل مزاجى بمجرد ما ألمحه

هو سر اندماجى منين ما اروح ولا اجى
هو دوايا وعنادى وانا بعشق اريحه

ده انا يا ما فسحته ياما ياما
وبأيدى مرجحته
ده انا يا ما دلعته ياما ياما
شارياه ولا بيعته
ده انا ياما فسحته ياما ياما وبأيدى مرجحته
ده انا ياما دلعته ياما ياما
شارياه ولا بيعته

واحشانى مجيته وعزيزه خطوته
قولولى هشوفه امتى بحتاج حنيته
قولولى هشوفه امتى بحتاج حنيته

لو غير نمرته عنوانه وحتته
انا متغيرش خالص احساسى ناحيته

ده انا يا ما فسحته فسحته
وبأيدى مرجحته
ده انا ياما دلعته ياما ياما
شارياه ولا بيعته ولا بيعته
ده انا يا ما فسحته فسحته
وبأيدى مرجحته
ده انا ياما دلعته ياما ياما
شارياه ولا بيعته