شاهد.. إيساف يهدى أغنيته الجديدة "أنتي غير " لفيلم روائي قصير
أهدى الفنان إيساف أغنيته الجديدة « انتي غير» لفريق عمل فيلم روائي قصير لجأوا له للمساعدة ولم يتاخر أبدًا عنهم وساعدهم وقام بتشجيعهم.
وعلق مخرج الفيلم بعدها يشكر إيساف قائلا:-
شكر خاص جدا للفنان الكبير وفنان الطفوله حرفيا بداية من عاشق بحب والحكايه فيها منه، على مساعدته الكبيره لنا في الفيلم وخلوني احكي لكم على اللي حصل حرفيا انا كنت قاعد بسمع اغنيه لايساف وفي نفس الوقت بتفرج على مونتاج الفيلم والاغنيه شغاله بصوت واطي قلت طب ما اخش اكلمه واجرب وفعلا رد عليا في أقل من نص ساعه حرفيا وقال لي بالتوفيق وطبعا واللي انت عايزه ودي كانت حاجه كبيره قوي بالنسبه لي فنان بحجم إيساف.
و تابع قائلًا:- وبعدها اتواصلت مع مدير أعماله وبعد يوم بالظبط ما كملناش اليوم لقيته باعتلي اغنيةوقاليل دي لسه مانزلتش وربنا يكرمك ويوفقك وهنا هقول حاجه بس حاجه ما تطلعش من أي حد، سالته قلت له طيب حضرتك مش محتاج أي ضمانات أو عقد الأغنيه لسه ما نزلتش رد عليا بنفس الجمله خلاص ربنا يوفقك مستني فيلمك حقيقي الحركه دي علمتني كتير وبالفعل اتعاون معانا باهداء اغنيه انت غير دعم لينا شكرا تاني ليك.
و طرح إيساف أغنية أفراج و الأغنية من كلمات عماد عبيد والحان خالد سلطان وتوزيع أشرف البرنس، مكساج محمد جوده وإنتاج السبع العالمي.
و يذكر أن طرح إيساف أغنيته والتي تحمل اسم "عشان راجل" من كلمات أحمد عادل توفيق، ألحان أحمد البرازيلي، توزيع محمود صادق، إخراج مارك سمير.
كلمات أغنية عشان راجل
عشان راجل... عشان أفضل كبير حتى في نظر نفسي، بسبها تقول في حقي كتير ومبدافعش عن نفسي.. عشان راجل.. عشان لما يجيبوا سرتي قُصدها قلبها يحزن ويقول مهو بكر الحقيقة تبان، وخليني أنا الأحسن.. عشان مليون عشان وعشان، عشان عشرتنا حتى زمان، رضيت إني أبان خاين، ومرضيتش أقول متخان.
أنا إقدر أقول أكتر واعيب بكلام كتير فيها.. لكني بعمل حساب لسنين معملتش حساب ليها.. تقول سيبتوا سابني متفرقش كتير عندي، أكيد بتقول لكده للناس عشان عارفة السكوت ردي.
