محمد رمضان:" بحب كل حاجة في دبي وبنتي بتقولي يا كتكوت"

تصدرت تصريحات الفنان محمد رمضان، محركات بحث جوجل فور ظهوره بإحدى اللقاءات التلفزيونية، والتي أفصح عن أشيائه الخاصة والصعوبات التى واجهها، وغيرها من الأمور. 

 

محمد رمضان: محمد منير هو ملك الغناء، ولو كنت فنان زمان هشتغل مع زبيدة ثروت

 

وأضاف:" أنا مش مطرب عشان أقيم المطربين لكن محمد منير هو ملك الغناء، ولو كنت فنان زمان كنت هشتغل مع زبيدة ثروت وممكن أشتغل مع نيللي كريم وياسمين صبري ودينا الشربيني وأمينة خليل نفسي أشتغل معاهم". 
 

محمد رمضان:مش هعتزل الفن، وهرد الجميل لأخويا وهو مدير أعمالي

وتابع:"عمري ما كان عندي مشكلة مع فنان؛ لإننا كلنا في مهنة واحدة وفي احترام وزمالة، ومش هعتزل الفن، وهرد الجميل لأخويا وهو مدير أعمالي".

 

محمد رمضان: بنتي بتقولي يا كتكوت 
 

وأشار:" كنزي بنتي بتقولي يا كتكوت ومش لايق عليا، بس هي تعمل اللي عايزاه وعلي بيقولي يا بابا عادي وزوجتي بتقول لي محمد، ليه يقولوا لي الأسطورة هو أنا بعذبهم". 





 

وأوضح:" مافيا ممكن يغنيها أي واحد في الدنيا والجمهور بيغنيها بنفسه، فكرة الألقاب بتدل على نوع الأغاني بتاعتي بتدي طاقة للناس تسمعه". 




 

وفي سياق منفصل، أعرب الفنان محمد رمضان عن حبه الكبير لوالدته، كما تحدث على الأزمات العديدة التي مر بها بمشواره الفني.

 

وأكد:" الحظ 1% فقط من النجاح لأن قيراط حظ ولا فدان شطارة وهو زي الألماظ، ومريت بأزمات في مشواري الفني لكن عمري ما رفضت أشتغل مع ممثل محدد، رغم أن ممثلة قديرة قالت أنها متقبلش تكون أمي في أي عمل".



 

وواصل:"الموهبة مهمة جدا ولكنها مش 100% ومتقسمة في الفن وبتتقسم إلى اختيار المشروع وكيفية صنع المشروع والتسويق والذكاء 50% والجمال 10% والكاريزما 15%ـ والحظ 1% لأن قيراط حظ ولا فدان شطارة وهو زي الألماظ والموهبة 25%". 



 

واستكمل:" أنا بحب كل حاجة في دبي وشهادتي مجروحة فيها ولما بصور كليب الحكومة بتوفر لنا كل حاجة، وأتمنى أعمل ديو مع محمد عبده وهيكون مشروع للتاريخ، بشكر حكومة الغمارات لأن شهداتي مجروحة فيها ووفروا لنا كل حاجة لأني كنت بصور ب دبادبة وبحب كل دبي". 

 

واستطرد: "هعمل ديو مع محمد عبده لأنه هيبقى مشروع للتاريخ، وحافظ أغاني خليجية كتير، وبتكلم خليجي شوية".

محمد رمضان: اتصدمت لما اترفضت من معهد التمثيل وقالوا لي إني غير لائق
واختتم:" شاركت في مسرحية في المدرسة بطولة علا رامي وقبضت 50 جنيه، وأول مرة غنيت في المسرح وقولت إني نجم لما عمر الشريف قال إني هكمل مسيرته، واتصدمت لما اترفضت من معهد التمثيل وقالوا لي إني غير لائق، واللي وقفت جنبي أمي، ويا رب أقدر اسعدها وتفضل فخورة بيا وهي بتفكرني لما اترفضت عشان تقولي بص ربنا بيعمل إيه".