أبرز تصريحات منة شلبي في سهرانين
"تمثيلي كان زي الزفت بالساحر وأمي ضحت عشاني".. تصريحات جعلت منة شلبي في صدارة التريند
تصدرت الفنانة منة شلبي منذ قليل محرك البحث الشهير "جوجل" بأكثر من ألفي عملية بحث خلال الساعات الماضية وذلك بسبب تصريحاتها الأخيرة مع أمير كرارة في برنامج "سهرانين" وتحدثت عن بدايتها الفنية بالإضافة لحديثها عن والدتها وبعض الأمور الذي تخص خلافها مع هند صبري، وسيرصد لكم الفجر أبرز تصريحاتها
منة شلبي تتحدث عن والدتها
تحدثت قائلة: "ماما كل حاجة ومش أم تقليدية وهي ست عظيمة وكل حاجة في حياتي، ولو عندي صفة كويسة في شخصيتي فهي من والدتي، سواء اني بتحمل مسئولية أو جدعة أو أي حاجة كويسة عندي فأنا دتها من أمي"
وتابعت منة: "أمي عملت تضحية معتقدش إن فيه حد يقدر يعملها وبعد ما بقيت فنانة، ولما كنت في سن صغير قررت تسيب شغلها خالص عشان تكوني كشخص وبني آدم وطالبة وكبنت وفنانة وربنا يحميها، وهي ست استثنائية
منة تتحدث عن بدايتها الفنية
تحدثت عن بدايتها في فيلم الساحر وقالت: "أنا عذبتهم أثناء تصوير فيلم الساحر، لأني مكنتش بعرف أمثل وتمثيلي كان زي الزفت، لدرجة كنت بقف قدام أستاذ محمود عبد العزيز وأقف ساكتة مقدرش أتكلم، ومكنتش بعرف أنطق وبتكلم في سري ومش فاهمة الكلام".
وأردفت: "محمود عبد العزيز كان راجل مجدع وعظيم على المستوى الإنساني، بالإضافة إلى كونه ممثلا كبيرا، وأولاده كريم ومحمد مثل أخوتي، وأمي بتعتبرهم ولادها".
منة شلبي تتحدث عن خلافها مع هند صبري
وقالت منة شلبي عن خلافها مع هند صبري: أنا وهند صبري مكانش لينا في بعض أوي، طلعت أنا وهي مع بعض، كانت هي بتعمل مواطن ومخبر وحرامي ومذكرات مراهقة، وفي نفس السنين دي أنا كنت بعمل الساحر وبحب السيما، واحنا كنا متنافسين تماما، فيجي حد يقولي دي مش بتحبك.
وتابعت: وفي فيلم أحلى الأوقات كان فيه بينا ود شديد، وأنا وهند مكناش قريبين من بعض، بس من كتر ما احنا بنحب حنان ترك جدا، تلقائي بقينا قريبين، وخلص الفيلم لا حرب ولا سلم.
واضافت: وبعد كدا جالنا بنات وسط البلد، واحنا الاتنين مكانش في بينا خناقة، ومكنش في بينا حب، فأستاذ محمد خان قالي هند هتعمل دور جومانا فقولتله مفيش مشكلة، فقالي انتو هتيجوا عندي البيت نعمل بروفة، وهناك قولتلها أنا في كلام عايزة اقولهولك، قالتلي
تصريحات آخرى لـ منة شلبي في البرنامج
وكنت بحب الأكل جدا، وكنت خسيت قبل الكاستينج، وجينا وقت الفيلم الأزياء مدخلتش فيا، تعبوا معايا جدا، واستحملوني كتير.
أستاذ رضوان الكاشف كان بيقوللي هو أنا بصور فيل، وأنا كنت أقعد أعيط.
مكنش ليا في هند صبري أوي ولا هي ليها فيا، مكنش فيه خناق، بس مكنش فيه حب.
أدواري أنا وهند صبري كانت جريئة في الأول، بالمقارنة بالأفلام المعروضة في الوقت ده، كنا متنافسين تمامًا ولسه صغيرين، فأي حد كان بينقل كلام بينا، كنا بنسخن.
آخر أعمال منة شلبي
في سياق آخر، تعتبر آخر أعمال منة شلبي في الموسم الرمضاني المقبل لهذا العام، بمسلسل "تغيير جو"، وهو من تأليف منى الشيمي وإخراج مريم أبوعوف، ومن بطولة: منة شلبي، إياد نصار، أحمد مالك، والمسلسل من إنتاج صادق الصباح.
