مي فاروق: "وردة كلمتني في التليفون وقالتلي أنا بحبك ومكنتش مصدقة"

حلت الفنانة مي فاروق في ضيافة الفنانة أنغام في برنامجها الذي يحمل اسمها وهو الجزء الثاني من الحلقة بعد استضافة ريهام عبد الحكيم في حلقة أمس الموافق ثاني أيام عيد الأضحى في سهرة طربية مميزة.

 وتحدثت مي عن حبها للغناء وعم مواقف الموسيقار عمار الشريعي معاها وعن مساعدة والدها لها وحبها للأغاني الطربية كما تحدثت عن بداياتها الفنية.

وعن مكالمة وردة لها وقالت: "انا مايلة للمنطقة إلى فيها شجن واللون الطربي جدا والمنطقة إلى فيها مصر والنوع الشيك إلى مليان احساس وشجن كبير هو النوع المفضل عندي، وبحب وردة جدًا أو ي أو ي وبليغ، وردة بالنسبة لي كانت لما كنت صغيرة وبسمع أغنية العمر كله حبيتك فلما شوفها على الشاشة لقيتها ست في منتهي خفة الدم وست لذيذة جدًا  وحسيتها قريبة مني ومش متصطنعه وصوتها تحفه في نفس الوقت".

وأردفت: "انا من حظي اني كلمتها مرة في التليفون لما كنت مع استاذ مجدي الحكيم فقالتلي انا بحبك ومكنتش حاسه اني بتكلم مع حد غريب عني وده من كتر النجوميه الحقيقة والشبع فهي شخصية غنية جدا وابسط ناس في الفن"، وقامت مي بعدها بغناء أغنية ليالينا خلال الحلقة بأداء رائع وملفت. 

مي فاروق تتحدث عن بداياتها

تحدثت مي فاروق عن تواجدها بكورال الأطفال فقالت: "انا اكتشفت اني مكنش ينفع اكون غير هنا حتى بابا وماما كملوا معايا على الخط ده لغايه ٣ ثانوي وكانو عايزين ادخل طب وهندسة فقولتلهم انا مش هعرف فمفيش غنا يبقي مش هيبقي في مذاكره فلو اتحرمت من صغري مش هعرف ابقي من الاوائل زي ما كنت

اكتر مكان بحس فيه بمعني السعادة هو الكورال واكتر شعور بيسعدني الوقوف على المسرح، وبرغم اني ببقي مخضوضه ومتوتره وعندي رهبة بس بحب الشعور ده جدًا برغم إلى نحوا مبيقتنعوش بكده، وبقعد اسال نفسي الجمهور هيتبسط لما يشوفني واسال اسئلة كتير بس بعد خمس دقايق خلاص".

مي فاروق تبدع في حفلها لأخير

أحيت المطربة مي فاروق، حفل ضخم بالكويت، أمس، بالتزامن مع عيد الأضحى تحت شعار "ليالي الأنس" وسط حضور جماهيري ضخم جدًا  على خشبة المسرح الوطني بالكويت وغنت «مي فاروق» عدد كبير من الأغاني مثل  أغنية افتكرلك ايه، من ألحان عمرو مصطفى وغناها الحضور معها وتفاعلوا معها بقوة، وتضمن برنامج الحفل أيضا سيدة الغناء العربي، العندليب الاسمر عبدالحليم حافظ، واغاني لذكرى، ووديع الصافي، ووردة وغيرهم من نجوم الزمن الجميل

وفاة والد مي فاروق

أعلنت الفنانة مي فاروق وفاة والدها منذ أشهر حيث نشرت ذلك النبأ الحزين عبر حسابها الرسمي، وبعد أيام شكرت من قدموا واجب العزاء وكتبت: "شكر الله سعيكم جميعا وتقبل منكم دعاءكم لأبويا وحبيبي شكرا لكل حد وقف جنبي ومعايا بمكالمه أو رساله أو وجوده جنبي شكرا لكل الحب اللي شوفته لأبويا وليا
دعواتكم دائما له بالرحمه والمغفره ولي بالصبر وان يربط الله علي قلبي لان مصيبتي فيه كبيره ومش عارفه الحياه ازاي هتكمل بعده كان كل حاجه ليا   كسر ظهري ووجع قلبي"

مي فاروق تتحدث عن والدها وتطلب من الجمهور الدعاء لها

تحرص مي فاروق دائمًا من فترة لآخرى أن تتذكر والدها الذي توفى منذ فترة وتذكر فضله عليه فتنشر صورته برفقتها، وفي المرة الأخير وجهت له رسالة قائلة: "حبيبي وحشتني يارب تكون فخور وفرحان زي ما دائما كنت بحس بيك وبفرحتك كل اللي بيحصل ده في كوم ووجودك جنبي كوم تاني  فرحتك بيا وليا كانت اهم حاجه بتحصل مافيش. اي فرحه ولا اي حاجه تعوض وجودك  
وعرفت وشوفت انك داعيلي كل اللي انا فيه ده دعاك ودعاء ماما من زمان  كان نفسي اشوف فرحتك بعيني 
المهم تكون مبسوط ومرتاح وفي الجنه ونعيمها انت وماما وحشتوني  الرجل الجميل ده هو وامي سبب كل اللي انا فيه ادعوا لهم بالرحمه كتير".