مراسلة قناة Dmc "أميمة بدري" تفقد النطق بشكل مفاجئ بسبب أزمة نفسية

كشفت المراسلة أميمة بدري اليوم السبت، أنها فقدت النطق بعد تعرضها لأزمة نفسية، ونشرت فيديو قصير لها عبر صفحتها الشخصية على "فيس بوك"، وهي تحاول التحدث لجمهورها ليطمئن عليها وتحدثت خلال الفيديو ولكن بصعوبة تامة: "أنا تمام بس أدعو لي"

بداية تعرض أميمة للصدمة

نشرت أميمة منذ يومين منشور تستغيث فيه وتطلب المساعدة قائلة: "أنا محتاجة حد يساعدني ارجوكم أنا فجأة فقدت النطق مش عارفه أنطق ولا اتكلم وشفتي طبقت زي البكم والصم وصوتي مش طالع ومش قادرة اخد نفسي انا خايفه ومش عارفه اعمل ايه  انا تعبانه جدا ومش قادرة انا مخضوضه من اللي حصلي". 

تفاصيل حالتها الصحية

وفي سياق متصل، طمئنت اأميمة جمهورها عليها عقب الإجراءات اللازمة قائلة: "الحمد لله رب العالمين علي كل حاجة حصلت ليا أنا بكتب وانا مش قادرة لاطمنكم أنا روحت المستشفي  وعملت الأشعة المقطعيه علي المخ  الحمد لله مفيش جلطه بس للاسف فقدت النطق بسبب إني زعلت جامد ادعولي دعوة صادقه"

وأردفت: "نا محتاجه لدعواتكم وشكرا لكل اللي بيكلمني بس حرفيا مش قادرة من الصدمه  أنا دكتور كتبلي ادويه وقالي لازم ارتاح تماما وخلال ٣ ايام لو مش اتحسنت ورجعت اتكلم هتابع مع دكتور اعصاب واعمل جلسات كهرباء لأعرف أتحسن ادعولي اعرف انطق تاني وارجع لحياتي انا نفسيا مش أحسن حاجة دعواتكم وشكرا للتواصل معايا ولكل  واحد حاول يكلمني ويساعدني وشكرا للي جالي البيت ووداني المستشفي دعواتكم"

أميمة تبدأ في الحديث وتشارك الجمهور  

تحدثت أميمة من خلال فيديو وعلقت عليه قائلة: "شكرًا لكل حد بيسأل وبيطمن  عليا بس ده حالي وصوتي طلع حبه  الصبح مكنش في اي صوت ولا حركة شفايفي ولسه تعبانه فمش عارفه ولا قادرة اتواصل قولت اطمنكم بحالي هنا أسهل  دعواتكم والحمد لله علي كل شئ بقولكم  آسفه لكل حد بيسأل وبيطمن عليا  بس مش عارفه أرد  ادعولي أكون كويسه".